08 August 2020

News Flash

बेघर, कामगारांना तयार जेवणाऐवजी धान्य!

हा प्रयोग यशस्वी झाल्यानंतर संपूर्ण मुंबईतील जेवणपुरवठा बंद करण्यात येईल.

संग्रहित छायाचित्र

प्रसाद रावकर

जेवणाच्या चवीबाबत येत असलेल्या तक्रारी, नगरसेवकांकडून वाढणारी मागणी आदी कारणांमुळे मुंबईत दोन वेळ वितरित करण्यात येणारे जेवण बंद करण्याचा विचार पालिका प्रशासन करते आहे. त्याऐवजी धान्यपुरवठा करण्यात येणार आहे. हा प्रयोग यशस्वी झाल्यानंतर संपूर्ण मुंबईतील जेवणपुरवठा बंद करण्यात येईल.

मुंबईमधील बेघर, बेरोजगार कामगार आदींना दोन वेळचे जेवण देण्याची व्यवस्था पालिकेने केली आहे. काही कंत्राटदारांना जेवणाचा पुरवठा करण्याचे कंत्राट पालिकेने दिले. जेवणाच्या वितरणाची जबाबदारी करनिर्धारण व संकलन विभाग आणि नियोजन खात्यातील अधिकारी, कर्मचाऱ्यांवर सोपविण्यात आली आहे. नगरसेवकांच्या मागणीवरून प्रत्येकाला ५०० जेवणाची पाकिटे देण्यात येत आहेत. मात्र काही नगरसेवक जेवणाची अतिरिक्त पाकिटे घेत आहेत.

मात्र तरीही तक्रारी येतच असल्याने आता जेवणाचा पुरवठा बंद करण्याचा निर्णय प्रशासन पातळीवर घेण्यात आला आहे. पालिकेच्या एका विभाग कार्यालयाच्या हद्दीत प्रायोगिक तत्त्वावर जेवणाचा पुरवठा बंद करून तेथील केवळ बेघर, नोंदणीकृत बेरोजगार कामगार आणि वेश्या व्यवसाय करणाऱ्या महिलांना धान्याचा पुरवठा करण्यात येणार आहे.

४० हजार जणांना पुरवठा.. पालिकादरबारी बेघरांची नोंद आहे. तसेच १८ हजार कामगारांची नोंदणी झाली आहे. वेश्या व्यवसाय करणाऱ्या चार हजार ४९० महिला आहेत. असे असताना आजघडीला वितरणासाठी दोन्ही वेळच्या जेवणाची एकूण मागणी सात लाख पाकिटांवर पोहोचली आहे. या सर्व मिळून ४० हजार जणांनाच जेवणाऐवजी धान्यपुरवठा केला जाईल, असे पालिका अधिकाऱ्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 26, 2020 12:59 am

Web Title: grain instead of ready meals for homeless workers abn 97
टॅग Coronavirus
Next Stories
1 मधुमेहींना करोनामुक्त राहण्यासाठी मार्गदर्शन
2 मुंबईत ७० हजार खाटांची व्यवस्था करा!
3 खासगी नर्सिग होम, दवाखाने तात्काळ सुरू करण्याचे आदेश!
Just Now!
X