मुंबईच्या गोवंडी परिसरात आज(दि.27) सकाळी सहा वाजण्याच्या सुमारास गोळीबार झाला. संपत्तीच्या वादातून ही घटना झाल्याची माहिती मिळत आहे. 4 ते 5 जणांनी हा गोळीबार केल्याची माहिती असून यामध्ये 2 जण जखमी झाले आहेत. जखमींना जवळच्या रुग्णालयात दाखल करण्यात आल्याचं समजतंय. दरम्यान एका हल्लेखोराला देवनार पोलिसांनी ताब्यात घेतलं आहे. गोवंडीच्या बैगणवाडी सिग्नलजवळ असलेल्या आशा हॉलसमोर हा गोळीबार झाल्याची प्राथमिक माहिती आहे. दरम्यान, या हल्लेखोरांपैकी एकाला जागेवरच पकडण्यात आले असून इतर हल्लेखोर पळून गेले आहेत. या प्रकरणी देवनार पोलीस ठाणे पुढील तपास करीत आहे.
