News Flash

मुंबापुरी झाली तुंबापुरी; महाराष्ट्रातही सर्वत्र धो-धो सरी

मुंबईची 'लाईफलाईन' असलेल्या रेल्वे वाहतुकीचा वेग मंदावला असून, पश्चिम रेल्वेची वाहतूक तीस मिनिटे उशीराने सुरू आहे.

| July 23, 2013 09:15 am

मुंबईत रविवारी झालेल्या मुसळधार पावसामुळे वेगवेगळ्या भागात पाणी साठले. त्याच पाण्यातून मार्ग काढताना एक दुचाकीस्वार. (छाया - प्रशांत नाडकर)

मुंबई व परिसराला मंगळवारी पहाटेपासून पावसाने अक्षरश झोडपून काढले. मुंबईच्या पूर्व-पश्चिम उपनगरांत पावसाची संततधार सुरू आहे. नवी मुंबई, ठाणे, कांजूरमार्ग,  पवई परिसरातही मुसळधार पाऊस सुरू आहे. अंधेरी, जोगेश्वरी, गोरेगाव, मालाड परिसरात पावसाची रिमझिम सूरू आहे. मुंबईची ‘लाईफलाईन’ असलेल्या रेल्वे वाहतुकीचा वेग मंदावला असून, पश्चिम रेल्वेची वाहतूक तीस मिनिटे उशीराने सुरू आहे. कुर्ला आणि चुनाभट्टी दरम्यान पाणी साठल्यामुळे हार्बरवर सीएसटी ते पनवेल मार्गावरील लोकल वाहतूक मंगळवारी दुपारी बंद करण्यात आली.
मुसळधार पावसामुळे मुंबईकरांना अनेक अडचणींना सामोरे जावे लागत आहे. मुंबईच्या रस्त्यांवर पडलेले खड्डे प्रवासाच्या अडचणींमध्ये भर पाडत आहेत. सांताक्रूझच्या लिंकीग मार्गावर तसेच भांडूपच्या एलबीएस मार्गावर पाणी साचले असल्यामुळे वाहतूकीची कोंडी झाली आहे. त्याचबरोबर पश्चिम द्रुतगती महामार्गावरच्या वाहतुकीलाही ‘ब्रेक’ लागला आहे.
दादरच्या हिंदमाता, परळ, कुर्ला परिसरातील सखल भागात पाणी साचल्यामुळे वाहतूक ठप्प झाली आहे.  तसेच ऐन पावसात मुंबईच्या समुद्रात ४.८८ मीटरच्या लाटा उसळल्यामुळे मुंबापुरीची रुपांतर काही भागांत तुंबापुरीमध्ये झाले आहे.
राज्यातही मुसळधार
राज्यातील परिस्थितीही काही वेगळी नाही. चंद्रपुरात सोमवारी दिवसभरात ‘टाईम प्लीज’ घेतलेल्या पावसाने मंगळवारी पुन्हा रौद्र रुप धारण केले. इरई धरण भरल्यामुळे धरणातून पाणी सोडण्याचा निर्णय प्रशासनाला घ्यावा लागला आहे. त्यामुळे चंद्रपुरात पूरसदृश स्थिती निर्माण झाली आहे. तर गडचिरोलीच्या सिरोंचा गावात पूरस्थिती निर्माण झाली आहे. कोकणातही पावसाचे धुमशान सुरू आहे. त्यामुळे कोकण रेल्वेचीही वाहतूकही मंद गतीने सुरु आहे.   
दुष्काळी सोलापूरातही जोरदार पाऊस सुरू आहे. एकंदर सध्याच्या परिस्थितीवरून आजचा मंगळवार मुसळधार राहण्याचीच चिन्हे आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 23, 2013 9:15 am

Web Title: heavy rain in mumbai from morning
टॅग : Mumbai Rain
Next Stories
1 कला हेसुद्धा एक शास्त्रच!
2 प्रतीक्षायादीतील तिकिटावर रेल्वे प्रवास आता विनातिकीट
3 गुंडाच्या कुटुंबीयांना पाच लाख रुपये ; सरकारच्या हतबलतेवर विरोधकांचा हल्ला
Just Now!
X