26 November 2020

News Flash

लस आल्यानंतर ती कशी द्यायची हे अद्याप अधांतरी – मुख्यमंत्री

यासाठी खबरदारी म्हणून त्रिसुत्री पाळा

फाइल फोटो

करोनावर लस येणार येणार असं म्हटलं जात आहे. मात्र, अद्याप ती आलेली नाही. त्यामुळे लस आल्यानंतरही ती कशी द्यायची हे अद्याप अधांतरीच आहे, असं मुख्यमंत्री उद्धव ठाकरे यांनी म्हटलं आहे. यावर खबरदारीचा उपाय म्हणून मास्क, हात धुणे, अंतर पाळणे या त्रिसुत्रीचा वापर करा असं आवाहनही मुख्यमंत्र्यांनी केलं आहे.

मुख्यमंत्री म्हणाले, “आज सुद्धा लस हाताशी आलेली नाही. काल परवा मी यासंदर्भात काही जणांशी बोललो तर ते लस येते आहे असं म्हणत आहेत पण ती अजून हातात आलेली नाही. समजा ही लस डिसेंबरमध्ये आली तर महाराष्ट्रातील साडे बारा कोटी जनतेला ही लस द्यावी लागणार आहे. पण ही लस बनवणाऱ्या ज्या दोन-चार कंपन्या आहेत. त्यांच्याकडून पहिला डोस त्यानंतर बुस्टर डोस द्यावे लागणार आहेत. म्हणजेच साडेबारा दुणे पंचवीस अशा पंचवीस कोटी जनतेला ही लस द्यावी लागणार आहे. अशा प्रकारे पहिल्या डोसपासून शेवटच्या डोसपर्यंत किती काळ जाईल, हे अद्याप सांगता येणार नाही.”

तसेच ही लस कशी, कोणत्या स्वरुपात मिळणार आहे. तिला कोणत्या तापमानात ठेवावं लागणार आहे, कशी द्यायची ही लस हे सगळं अजूनही अधांतरी आहे. अद्याप लशीबाबत काहीही हातामध्ये नाही. यावर औषधे तर नाहीच पण लस सुद्धा अजून हातात आलेली नाही. म्हणूनच मास्क लावणे, हात धुणे आणि एकमेकांपासून अंतर पाळणे ही त्रुसु्त्री पाळणे गरजेचे आहे, असं पुन्हा एकदा आवाहन मुख्यमंत्र्यांनी जनतेला केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2020 8:31 pm

Web Title: how to administer the vaccine is still a matter of concern says cm uddhav thackarey aau 85
टॅग Coronavirus
Next Stories
1 …तर मुंबई महापालिकेत रिपाइंचा होईल उपमहापौर – रामदास आठवले
2 शेतीमाल विक्रीस पालिकेचा अडथळा!
3 करोना मुंबईकरांची चिंता वाढवणार! रुग्णसंख्येत चार दिवसांत लक्षणीय वाढ
Just Now!
X