‘काऊन्सिल फॉर इंडियन स्कूल सर्टिफिकेट एक्झामिनेशन’ (सीआयएससीई) या मंडळाचा दहावीचा (आयसीएसई) आणि बारावीचा (आयएससी) निकाल आज, शुक्रवारी दुपारी ३ वाजता ऑनलाइन जाहीर करण्यात येणार आहे. डिजीलॉकरच्या माध्यमातून विद्यार्थ्यांना गुणपत्रकही घेता येईल. निकाल जाहीर झाल्यानंतर लगेच विद्यार्थ्यांना पुनर्मुल्यांकनासाठीही अर्ज करता येईल. विद्यार्थी आयोगाच्या www.cisce.org या संकेतस्थळावर निकाल पाहू शकतील.
