24 October 2020

News Flash

घाटकोपरमध्ये कारची पोलिसांच्या जीपला धडक, वडिल आणि मुलाचा मृत्यू

इर्स्टन एक्सप्रेस हायवे वर भरधाव वेगात पळणाऱ्या कारने पोलिसांच्या जीपला जोरदार धडक दिली.

(सांकेतिक छायाचित्र)

घाटकोपर रमाबाई नगर जवळ इर्स्टन एक्सप्रेस हायवे वर भरधाव वेगात पळणाऱ्या कारने पोलिसांच्या जीपला जोरदार धडक दिली. यामध्ये वडिल आणि मुलाचा मृत्यू झाला असून, कुटुंबातील सहाजण जखमी झाले आहेत. नाशिकमध्ये धार्मिक कार्यक्रम आटोपून कुटुंब परतीच्या वाटेवर असताना बुधवारी सकाळी ११.१५ च्या सुमारास हा अपघात घडला.

सचिन डांबली (३८) गाडी चालवत होते. सचिन आणि त्यांचे वडिल विष्णू (६२) यांचा अपघातानंतर काही तासाने मृत्यू झाला. त्यांना राजावडी रुग्णालयात दाखल करण्यात आले होते. सचिन यांचा मुलगा विश्वास (१०) या अपघातात गंभीर जखमी झाला आहे. त्याच्यावर सायन रुग्णालयात उपचार सुरु आहेत.

सचिन यांची पत्नी शुभांगी (३२), मुलगी नम्रता (११), अमोल कंकर, नंदा आणि जयश्री पवार (६) हे जखमी झाले आहेत. त्यांच्यावर सुद्धा राजावडी रुग्णालयात उपचार सुरु आहेत. मंगळवारी रात्री डांबली कुटुंब मुंबईला येण्यासाठी निघाले. रात्रीच्या जेवणासाठी हे कुटुंब कसारा येथे ढाब्यावर थांबले होते. गाडी चालवताना सचिन यांना डुलकी लागल्यामुळे हा अपघात घडला असावा अशी शक्यता पोलिसांनी व्यक्त केली. पोलिसांच्या जीपमधील फक्त एक जण या अपघातात जखमी झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 30, 2020 9:43 am

Web Title: in ghatkopar car hits police jeep father and son killed dmp 82
Next Stories
1 ..त्यांनी मला ओळखलेच नाही!
2 ‘करोना’चे आणखी दोन संशयित
3 अल्पसंख्याक विद्यार्थी शिष्यवृत्तीत वाढ करावी
Just Now!
X