ताडदेव पोलीस लाईनच्या इमारतीमध्ये घरातील प्लास्टर कोसळून झालेल्या दुर्घटनेत दोन जण जखमी झाले. म्हदे रंजना देवगुडे व शंकर देवगुडे हे दोघेजण जखमी झाले आहेत. बिल्डिंग नंबर चारच्या रूम नंबर दोनमध्ये प्लास्टर कोसळण्याची घटना घडली. दोन्ही जखमींना नजीकच्या भाटीया रुग्णालयात दाखल करण्यात आले होते. प्राथमिक उपचारानंतर डॉक्टरांनी त्यांना घरी सोडले. पोलीस लाईनमधील इमारतींचे बांधकाम बऱ्याचवर्षांपूर्वी करण्यात आले आहे. आता या इमारती जुन्या झाल्या असून मोडकळीस आल्या आहेत. या इमारती सुस्थितीत ठेवण्यासाठी तात्काळ डागडुजीची आवश्यकता आहे. अन्यथा अशा आणखी काही दुर्घटना घडण्याची शक्यता आहे.
