News Flash

मुंबईत कोट्यवधींचे घबाड प्राप्तीकर विभागाच्या जाळ्यात

मुंबई सेन्ट्रल रेल्वे स्थानकाबाहेर प्राप्तीकर विभाग आणि राष्ट्रीय तपास यंत्रणेच्या(एनआयए) अधिकाऱयांनी छापा टाकून चार ट्रक मधून जवळपास अडीच हजार कोटी रुपयांची रोकड जप्त केली.

| July 2, 2013 10:01 am

मुंबई सेन्ट्रल रेल्वे स्थानकाबाहेर प्राप्तीकर विभाग आणि राष्ट्रीय तपास यंत्रणेच्या(एनआयए) अधिकाऱयांनी छापा टाकून चार ट्रक मधून जवळपास अडीच हजार कोटी रुपयांची रोकड जप्त केली. सोमवारी रात्री साडेनऊच्या सुमारास हा छापा टाकण्यात आला.
सूत्रांनी दिलेल्या माहितीनुसार, मुंबई सेन्ट्रल रेल्वेस्थानकातून गुजरात मेलमधून कोट्यवधींची रोकड नेण्यात येणार असल्याची माहिती प्राप्तीकर विभागाला गेल्या काही दिवसांपासून मिळत होती. याबाबत सोमवारी संध्याकाळी त्यांना सविस्तर माहिती मिळाल्यावर या ट्रक्सवर छापा टाकण्यात आला. रेल्वेस्थानकाबाहेर उभ्या करण्यात आलेल्या चार ट्रकमध्ये रोकड आणि कोट्यवधी रुपयांचे दागिने, हिरेही सापडले .
प्रत्येक ट्रकमध्ये जवळ १५ माणसे बॅंगांची आणि बॉक्सची ने-आण करण्यासाठी कार्यरत होते. पोलिसांनी या सगळ्यांना ताब्यात घेतले आहे.  घटनास्थळावरून एकूण ४७ जणांना अटक करण्यात आली आहे.  छोट्या-छोट्या सुटकेसमधून ही रोकड गुजरात मेल मधून नेण्याचा या व्यक्तींचा उद्देश होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2013 10:01 am

Web Title: income tax raid near mumbai central railway station
Next Stories
1 मनोरंजनसृष्टीतील तंत्रज्ञांसाठी ‘बेस्ट’ची रात्रसेवा
2 सात नियोजित शासकीय वैद्यकीय महाविद्यालयांचे भवितव्य टांगणीला!
3 मराठा समाजाला आरक्षण देण्यास अनुकूलता?
Just Now!
X