शीना बोरा हत्या प्रकरणातील मुख्य आरोपी इंद्राणी मुखर्जीच्या प्रकृतीत सुधारणा झाल्याने मंगळवारी तिची रवागनी पुन्हा भायखळा कारागृहात करण्यात आली. गेल्या शुक्रवारी तिला ताणमुक्तीसाठीच्या गोळ्यांचे अतिसेवन केल्याने रुग्णालयात दाखल करण्यात आले होते. तिचा वैद्यकीय अहवाल कारागृह प्रशासनाला सादर करण्यात आला आहे. दरम्यान, इंद्राणीसह संजीव खन्ना आणि श्यामवर राय यांच्या चौकशीची परवानगी सीबीआयने न्यायालयाकडे मागितली होती. त्यावर बुधवारी सुनावणी होणार आहे.
