नोकरीसाठी मुलाखतीच्या निमित्ताने बोलावून तरुणीवर बलात्कार करणाऱ्या आरोपीला जुहू पोलिसांनी बेडय़ा ठोकल्या. साहिलसिंह अरोरा असे आरोपीचे नाव असून त्याने या तरुणीला एका बॅंकेत ‘एचआर’ व्यवस्थापक पदी नोकरी देण्याचे आमीष दाखवले होते. जूहू पोलिसांनी दिलेल्या माहितीनुसार ही घटना गेल्या आठवडय़ात गुरुवारी विलेपार्ले येथील एका हॉटेलच्या खोलीत घडली. याबाबत पोलीस तक्रार केल्यास या प्रसंगाची चित्रफीत कुटुंबाला पाठवेन, समाजमाध्यमांवरून पसरवेन, अशी धमकी आरोपी अरोरा याने तक्रारदार तरुणीला दिली होती. तक्रारदार तरुणी नोकरीच्या शोधात होती. तिने आपले तपशील एका संकेतस्थळावर दिले होते. ते पाहून दिल्लीत कार्यरत असलेल्या साहिलने तरुणीशी संपर्क साधला होता व दुष्कृत्य केले.
