पॉर्नोग्राफी प्रकरणात अटक करण्यात आलेला बॉलिवूड अभिनेत्री शिल्पा शेट्टीचा पती राज कुंद्रा आणि त्याचा सहकारी रायन यांना बुधवारी कनिष्ठ न्यायालयाने जामीन देण्यास नकार दिला. राज कुंद्राची जामीन याचिका कोर्टाकडून फेटाळण्यात आली. यावेळी राज कुंद्राच्या वकिलाने कोर्टाला कोणत्या आधारे राज कुंद्राचा जामीन नाकारला जात असल्याची विचारणा केली. ‘तो दहशतवादी आहे का?,’ अशी विचारणाही कोर्टाकडून करण्यात आली. यावर सरकारी वकिलांनी त्याने सर्व डिजिटल पुरावे नष्ट केले असल्याचं म्हटलं.

या बातमीसह सर्व प्रीमियम कंटेंट वाचण्यासाठी साइन-इन करा

राज कुंद्राला गेल्या आठवडय़ात अटक करण्यात आली होती. मंगळवारी न्यायालयीन कोठडी सुनावण्यात आल्यावर कुंद्राने जामिनासाठी अर्ज केला होता. न्यायालयाने बुधवारी त्याच्या अर्जावर युक्तिवाद ऐकला. कुंद्रा हा काही दहशतवादी नाही. शिवाय या प्रकरणी आधीच आरोपपत्र दाखल करण्यात आले आहे असून सहआरोपी जामिनावर बाहेर आहेत, असा दावा कुंद्राच्या वतीने जामिनाची मागणी करताना केला गेला.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Is he a terrorist asks lawyer as raj kundra denied bail in porn case sgy
First published on: 29-07-2021 at 08:38 IST