19 January 2020

News Flash

नाटय़ संमेलनाध्यक्षपदी जब्बार पटेल यांच्या नावावर शिक्कामोर्तब

अखिल भारतीय नाटय़ परिषदेच्या रविवारी झालेल्या नियामक मंडळाच्या बैठकीत हा निर्णय एकमताने घेण्यात आला

(संग्रहित छायाचित्र)

 

शतकमहोत्सवी अखिल भारतीय मराठी नाटय़ संमेलनाच्या अध्यक्षपदासाठी डॉ. जब्बार पटेल यांच्या नावावर शिक्कामोर्तब करण्यात आले आहे. अखिल भारतीय नाटय़ परिषदेच्या रविवारी झालेल्या नियामक मंडळाच्या बैठकीत हा निर्णय एकमताने घेण्यात आल्याचे परिषदेचे अध्यक्ष प्रसाद कांबळी यांनी जाहीर केले.

अध्यक्षपदासाठी अर्ज सादर करण्यासाठी ३० सप्टेंबपर्यंत अंतिम मुदत होती. त्यानुसार डॉ. जब्बार पटेल आणि मोहन जोशी यांचे उमेदवार अर्ज दाखल झाले होते. या संदर्भात ७ नोव्हेंबरला परिषदेच्या कार्यकारिणीची बैठक झाली. त्यानंतर २० नोव्हेंबरला डॉ. पटेल यांचे नाव अध्यक्ष म्हणून कांबळी यांनी जाहीर केले होते.

दरम्यान अध्यक्षांच्या नावाची घोषणा कार्यकरिणीच्या बैठकीनंतर नियामक मंडळाच्या बैठकीपूर्वीच जाहीर करण्यावरून या प्रकरणी वादाला तोंड फुटले होते. ही प्रक्रिया नियमबाह्य़ असल्याचे सांगत हा वाद धर्मादाय आयुक्तांपर्यंत पोहोचला होता. नियामक मंडळाची मान्यता न घेताच हा निर्णय घेण्यात आल्याबद्दल आक्षेप घेण्यात आला होता.

याबाबत कांबळी यांनी सांगितले, ‘परिषदेच्या घटनेतील कलमाप्रमाणेच कार्यकारिणीने एकमताने डॉ. जब्बार पटेल यांच्या नावाची शिफारस नियामक मंडळाला केली होती. ते नाव आज नियामक मंडळाच्या बैठकीत घोषित करण्यात आले.’

First Published on December 16, 2019 1:03 am

Web Title: jabbar patel as the president of the theater abn 97
Next Stories
1 ‘तान्हाजी’च्या प्रमोशनासाठी कपिल शर्माने अजयकडून घेतले पैसे? पाहा व्हिडीओ
2 ‘तान्हाजी’मध्ये ही अभिनेत्री साकारणार छत्रपती शिवाजी महाराजांच्या पत्नीची भूमिका
3 आईच्या भावविश्वाचा शोध घेणारी मालिका ‘आई कुठे काय करते’
Just Now!
X