कोकणात जाण्यासाठी अत्यंत जलद म्हणून ओळखली जाणारी जनशताब्दी एक्स्प्रेस आता करमाळीऐवजी थेट मडगावपर्यंत चालवण्यात येणार आहे. याआधी ही गाडी मडगावपर्यंतच चालवली जात होती. मात्र काही महिन्यांपासून ही गाडी करमाळी येथेच थांबवण्यात येत होती. आता २६ मेपासून ही गाडी पुन्हा एकदा मडगावपर्यंत धावेल. १२०५१ दादर-मडगाव ही गाडी दादरहून सकाळी ५.२५ वाजता रवाना होऊन त्याच दिवशी दुपारी १४.१० वाजता मडगावला पोहोचेल. तर १२०५२ मडगाव-दादर ही गाडी मडगावहून दुपारी १४.३० वाजता निघून रात्री ११.०५ वाजता दादरला पोहोचेल. ही गाडी ठाणे, पनवेल, चिपळूण, रत्नागिरी, कणकवली, कुडाळ आणि थिविम या स्थानकांवर थांबेल.
