05 March 2021

News Flash

न्यायपालिका, न्यायाधीशांवर आरोपांसाठी शपथपत्र आवश्यक

राज्यातील न्यायपालिकेतील सदस्य म्हणजेच जिल्हा पातळीवरील न्यायाधीश वा उच्च न्यायालयातील न्यायमूर्तीविरोधात यापुढे सर्रास आरोप वा तक्रार करता येणार नाही.

| April 11, 2015 03:40 am

राज्यातील न्यायपालिकेतील सदस्य म्हणजेच जिल्हा पातळीवरील न्यायाधीश वा उच्च न्यायालयातील न्यायमूर्तीविरोधात यापुढे सर्रास आरोप वा तक्रार करता येणार नाही. न्यायाधीश-न्यायमूर्तीविरोधात उथळ तक्रारी वा आरोपांना आळा घालण्याच्या दृष्टीने तक्रारदाराने हे आरोप शपथपत्रावर लिहून देण्याचे आणि आरोप सिद्ध करणारे पुरावे त्यासोबत सादर करण्याचे बंधनकारक आता करण्यात आले आहे. अन्यथा अशा तक्रारी व आरोपांची दखल घेतली जाणार नाही व पुढील कारवाई केली जाणार नाही. शपथपत्राद्वारे आरोप करण्याचे बंधनकारक करणारी नोटीस उच्च न्यायालय प्रशासनातर्फे काढण्यात आली आहे.
७ एप्रिल रोजी उच्च न्यायालय प्रशासनाने नोटीस न्यायालयाच्या  संकेतस्थळावर प्रसिद्ध केली आहे. या नोटिशीनुसार जिल्हा पातळीवरील न्यायपालिकेतील सदस्यांविरोधात करण्यात आलेले आरोप वा तक्रार ही प्रतिज्ञापत्राद्वारे व आरोप सिद्ध करणाऱ्या पुराव्यांसह केली गेली नसल्यास त्याची दखल घेतली जाणार नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 11, 2015 3:40 am

Web Title: judiciary justice chargesheet needs affidavit
टॅग : Judiciary,Justice
Next Stories
1 अबू सालेमचा न्यायालयात दावा
2 राज्याचे अर्थमान धोक्यात!
3 पाहा: पुराणकाळात देवही घालायचे हेल्मेट…
Just Now!
X