News Flash

न्या. भूषण धर्माधिकारी मुंबई उच्च न्यायालयाचे मुख्य न्यायमूर्ती

मुंबई : प्रभारी मुख्य न्यायमूर्ती म्हणून कामकाज पाहणारे न्यायमूर्ती भूषण धर्माधिकारी यांची उच्च न्यायालयाचे मुख्य न्यायमूर्ती म्हणून नियुक्ती करण्यात आली आहे. सर्वोच्च न्यायालयाच्या न्यायवृंदाने त्याबाबत

(संग्रहित छायाचित्र)

मुंबई : प्रभारी मुख्य न्यायमूर्ती म्हणून कामकाज पाहणारे न्यायमूर्ती भूषण धर्माधिकारी यांची उच्च न्यायालयाचे मुख्य न्यायमूर्ती म्हणून नियुक्ती करण्यात आली आहे. सर्वोच्च न्यायालयाच्या न्यायवृंदाने त्याबाबत केलेली शिफारस केंद्र सरकारने मंजूर केली.

उच्च न्यायालयावर बाहेरच्या राज्यातून मुख्य न्यायमूर्ती म्हणून नेमणूक करण्याची प्रथा आहे. मात्र निवृत्त न्यायमूर्ती सुजाता मनोहर आणि निवृत्त न्यायमूर्ती नरेश पाटील यांच्यानंतर न्यायमूर्ती धर्माधिकारी यांची त्याच न्यायालयाचे मुख्य न्यायमूर्ती म्हणून नियुक्ती करण्याची ही तिसरी वेळ आहे. मुख्य न्यायमूर्ती प्रदीप नंद्रजोग २४ फेब्रुवारी रोजी निवृत्त झाल्यानंतर न्यायमूर्ती धर्माधिकारी यांची प्रभारी मुख्य न्यायमूर्ती म्हणून नियुक्ती करण्यात आली होती. त्यानंतर दुसऱ्याच दिवशी न्यायमूर्ती धर्माधिकारी यांचीच उच्च न्यायालयाच्या मुख्य न्यायमूर्तिपदी नियुक्ती करावी, अशी शिफारस सर्वोच्च न्यायालयाच्या न्यायवृंदाने केंद्र सरकारकडे केली होती. न्यायमूर्ती धर्माधिकारी हे २८ एप्रिल रोजी निवृत्त होणार आहेत. त्यामुळे त्यांनाच उच्च न्यायालयाच्या मुख्य न्यायमूर्तिपदी नियुक्त करण्याची शिफारस न्यायवृंदाने केली होती. बुधवारी केंद्र सरकारने न्यायवृंदाची शिफारस मान्य करत न्यायमूर्ती धर्माधिकारी यांची उच्च न्यायालयाचे मुख्य न्यायमूर्ती म्हणून नियुक्ती केल्याचे जाहीर केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2020 12:02 am

Web Title: justice bhushan dharmadhikari to be chief justice of bombay hc zws 70
Next Stories
1 मुंबई उद्यापासून अंशत: लॉकडाऊन, ठाकरे सरकारने घेतले हे महत्वाचे निर्णय
2 देऊळ बंद.. पण सिद्धीविनायकाचं आता घेता येणार ऑनलाइन दर्शन
3 “करोना थांबवण्यासाठी मुंबई लोकल आणि सार्वजनिक वाहतूक थांबवावीच लागेल”
Just Now!
X