News Flash

मुंबई-पुणे महामार्गावर डावी मार्गिका आता जड वाहनांसाठी

मुंबई-पुणे महामार्गावर अपघातांना आळा घालण्याच्या दृष्टीने जड वाहनांसाठी फक्त डावी मार्गिका असावी, या बाबतची अधिसूचना पुणे तसेच ठाणे जिल्हाधिकाऱ्यांनी जारी केली आहे.

| April 2, 2014 12:03 pm

मुंबई-पुणे महामार्गावर अपघातांना आळा घालण्याच्या दृष्टीने जड वाहनांसाठी फक्त डावी मार्गिका असावी, या बाबतची अधिसूचना पुणे तसेच ठाणे जिल्हाधिकाऱ्यांनी जारी केली आहे. या नियमाचे पालन न करणाऱ्या जड वाहनांविरुद्ध महामार्ग पोलिसांकडून ९ एप्रिलपासून कारवाई केली जाणार आहे. या अधिसूचनेबाबत सुरुवातीला जड वाहनांच्या चालकांमध्ये जागरूकता मोहिम राबविली जाणार आहे. त्यानंतर या नियमाचे पालन न करणाऱ्या चालकांविरुद्ध कारवाई केली जाणार आहे.
ठाण्याचे विद्यमान पोलीस आयुक्त विजय कांबळे हे महामार्ग पोलीस विभागाचे अतिरिक्त महासंचालक असताना त्यांनी याबाबतचा प्रस्ताव शासनाला दिला होता. या प्रस्तावाला मंजुरी मिळाली असून याबाबत अधिसूचना जारी करण्यात आली आहे. त्यानुसार कारवाई केली जाईल आणि या मोहिमेमुळे महामार्गावरील अपघातांना आळा बसेल, असा विश्वास महामार्ग पोलीस विभागाचे अतिरिक्त महासंचालक सुरेंद्र पाण्डेय यांनी ‘लोकसत्ता’ला सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 2, 2014 12:03 pm

Web Title: left line for heavy vehicles on mumbai pune highway
Next Stories
1 राहुल शेवाळे अ‘स्थायी’!
2 शाळांतील २५ टक्के जागांसाठी ५ एप्रिलपासून ऑनलाइन प्रवेश प्रक्रिया
3 ‘बेस्ट’चा संप मागे; मुंबईकरांचा जीव भांड्यात
Just Now!
X