मुंबईतील गेट वे ऑफ इंडियाजवळील शिवाजी महाराजांच्या पुतळ्याजवळील वाहनतळाजवळ आज (बुधवार) एकूण १६ जिवंत काडतुसे सापडल्याने एकच खळबळ माजली. पेव्हर ब्लॉकच्या खाली दडवून ठेवलेली ही काडतुसं दुपारी बारा वाजताच्या सुमारास हस्तगत करण्यात आली. विशेष म्हणजे, परवानाधारक ३२ बोअरच्या रिव्हॉल्वरची हि न वापरलेली जिवंत काडतुसं आहेत. काडतुसं तिथे कुठून आली आणि कुणाच्या रिव्हॉल्वरची आहेत याबाबत पोलिस अधिक तपास करत आहेत. (संग्रहित छायाचित्र )
