मध्य रेल्वेची वाहतूक पूर्वपदावर आली आहे. डोंबिवली ते ठाकुर्ली रेल्वे स्थानकादरम्यान घसरलेला लोकलचा डबा रुळावरुन हटवण्यात यश आलं आहे. त्यामुळे सीएसटीच्या दिशेने येणारी वाहतूक पूर्ववत झाली आहे. डोंबिवली व ठाकुर्ली दरम्यान लोकलचा डबा घसरल्याने मध्य रेल्वेची वाहतूक विस्कळीत झाली होती. ठाकुर्लीहून डोंबिवलीकडे जाणाऱ्या लोकलचा डबा डोंबिवली गणेश मंदिरासमोरील भागात घसरल्यामुळे हा अपघात घडला होता. त्यामुळे मध्य रेल्वेची मुंबईच्या दिशेने जाणारी वाहतूक रखडली होती. मात्र, आता वाहतूक सुरळीत झाली आहे. (संग्रहित छायाचित्र)
