बुद्धीचे दैवत असलेल्या श्री गणरायाचे घराघरांतून मोठय़ा उत्साहात आणि दणक्यात आगमन होत आहे. दीड, पाच, सात, दहा अशा टप्प्याटप्पाने गणराय मुंबईकरांचा निरोप घेतात तोही तितक्याच आनंदोत्सवात. परंतु आनंदाचा हा बहर ओसरल्यानंतर समुद्राच्या काठावर तितकेच दारुण चित्र पाहायला मिळते. आपल्या लाडक्या दैवताचे ‘प्लास्टर ऑफ पॅरिस’ नामक पर्यावरणघातक मातीतले भग्नावस्थेतील तुकडे आणि काही दिवसांपूर्वी जी आरास मोठय़ा काळजीने आणि कौतुकाने जपली तिचा अस्ताव्यस्त पसरलेला कचरा. या शिवाय मिरवणुकांच्या निमित्ताने छाती दडपविणारा आणि कान बसविणारा डीजेंचा दणदणाट या सणाला होता होईल तितका प्रदूषित करतो ते वेगळेच. परंतु या वातावरणातही पर्यावरणपूरक गणेशोत्सव साजरा करण्यासाठी विविध कल्पना लढवीत काही भक्त या सणाचे पावित्र्य जपण्याचे कार्य करीत आहे. अशा गणेशभक्तांनी त्यांच्या त्यांच्या स्तरावर चालविलेल्या लोकचळवळीला प्रोत्साहन देण्यासाठी ‘महाराष्ट्र प्रदूषण नियंत्रण मंडळ’ आणि ‘लोकसत्ता’तर्फे यंदाही ‘इकोफ्रेंडली घरगुती गणेशोत्सव सजावट स्पर्धा’चे आयोजन करण्यात आले आहे. ‘इकोफ्रेंडली घरगुती गणेशोत्सव सजावट स्पर्धा-२०१५’साठी ‘सॅन्सुई’ आणि ‘जनकल्याण सहकारी बँक लिमिटेड’ हे सहप्रायोजक आहेत. तसेच, ‘चितळे डेअरी’ यांची साथ स्पर्धेला आहे. पर्यावरणस्नेही साहित्याचा वापर करून गणरायाची आरास करणाऱ्या गणेशभक्तांना या स्पर्धेत सहभागी होता येईल. त्यासाठी सजावटीचे छायाचित्र काढून पाठवायचे आहे. ही स्पर्धा मुंबई, नाशिक, पुणे, औरंगाबाद, अहमदनगर, नागपूर विभागांत घेण्यात येणार असून प्रत्येक विभागासाठी स्वतंत्र पारितोषिक आहेत. प्रथम पारितोषिक ९९९९ रुपयांचे आहे, तर द्वितीय पारितोषिक ६६६६ रुपयांचे आहे. विशेष पारितोषिक २००१ रुपयांचे असेल. रोख रकमेबरोबरच प्रमाणपत्र व मानचिन्ह देण्यात येणार आहे. या स्पर्धेत दीड ते अकरा दिवसांपर्यंत घरगुती गणेशोत्सव साजरा करणाऱ्या गणेशभक्तांना सहभागी होता येईल. स्पर्धेसाठी ‘पाच बाय सात’ आकाराची तीन रंगीत छायाचित्रे ‘लोकसत्ता’च्या विभागीय कार्यालयांमध्ये २७ सप्टेंबपर्यंत सायंकाळी ६ वाजेपर्यंत स्वीकारली जातील. छायाचित्र व माहिती टपालाने, कुरिअरच्या माध्यमातून किंवा loksatta.ecoganesha@gmail.com या ई-मेलवर पाठविता येईल. मुदतीनंतर आलेल्या छायाचित्रांचा विचार स्पर्धेसाठी केला जाणार नाही. गणेशमूर्ती व सजावट पर्यावरणस्नेही असावी. प्लास्टिक, थर्माकोलचा वापर नसावा. छायाचित्रात गणेशमूर्ती, मखर आणि सजावट स्पष्ट दिसावी. छायचित्रे तिन्ही बाजूने वेगवेगळी घ्यावीत. प्रत्येक छायाचित्रांच्या सोबत स्पर्धकाचे नाव, घरचा पत्ता, दूरध्वनी, मोबाइल, ई-मेल, सजावटींसाठी वापरलेल्या साहित्याची यादी जोडावी. स्पर्धेसाठी परीक्षकांचा निर्णय अंतिम राहील. अधिक माहितीसाठी संपर्क ’ मुंबई- लोकसत्ता ब्रॅण्ड विभाग, एक्स्प्रेस टॉवर्स, दुसरा मजला, नरिमन पाँइंट. दूरध्वनी- ६७४४०३६९. ’ ठाणे- लोकसत्ता, कुसुमांजली, दुसरा मजला, गोखले रोड, नौपाडा. दूरध्वनी- २५३९९६०७. ’ नाशिक- वंदन चंद्रात्रे, लोकसत्ता ६, स्टेडियम कॉम्प्लेक्स, महात्मा गांधी रोज. मोबाइल- ९४२२२४५०६५. ’ पुणे- रोहित कुलकर्णी, दी इंडियन एक्स्प्रेस लि., एक्स्प्रेस हाऊस, प्लॉट नं. १२०५/२/६, शिरोळे रोड, शिवाजी नगर. दूरध्वनी- ०२०-६७२४१०००. ’ औरंगाबाद- मुकुंद कानिटकर, १०३ गोमटेश मार्केट, न्यू गुलमंडी रोड, औरंगाबाद-४३१००१. दूरध्वनी- ०२४०-२३४६३०३. ’ अहमदनगर- संतोष बडवे, पहिला मजला, १६६, अंबर प्लाझा, स्टेशन रोड, अहमदनगर-४१४००१. मोबाइल- ०९९२२४००९८१. ’ नागपूर- ज्ञानेश्वर महाले, वितरण विभाग, १९, ग्रेट नाग रोड, उंट खाना, वैद्यनाथ स्क्वेअरजवळ, नागपूर. दूरध्वनी- ०७१२-२७०६९३२३, ९८२२७२०००९.
