News Flash

रोहा पॅसेंजर बॉम्ब अफवेमागे प्रेमभंगाची गोष्ट

रोहा-दिवा पॅसेंजर गाडीतील अमूकअमूक महिलच्या सामानात बॉम्ब असल्याचा दूरध्वनी मंगळवारी पहाटे रोहा रेल्वेस्थानक अधीक्षकांच्या कार्यालयात खणखणला आणि प्रवाशांसह रेल्वे व स्थानिक प्रशासन या सर्वाचीच झोप

| May 21, 2014 02:59 am

रोहा-दिवा पॅसेंजर गाडीतील अमूकअमूक महिलच्या सामानात बॉम्ब असल्याचा दूरध्वनी मंगळवारी पहाटे रोहा रेल्वेस्थानक अधीक्षकांच्या कार्यालयात खणखणला आणि प्रवाशांसह रेल्वे व स्थानिक प्रशासन या सर्वाचीच झोप उडाली. तपासाअंती बॉम्बची ही निव्वळ अफवा असल्याचे सिद्ध झाले. हा सर्व प्रकार प्रेमभगांतून आलेल्या नैराश्येपोटी केला गेल्याचे स्पष्ट झाले आहे.
रोहा-दिवा पॅसेंजर गाडी मंगळवारी पहाटे रोह्यावरून सुटण्याच्या तयारीत होती. एवढय़ात स्थानक अधीक्षकांचा दूरध्वनी खणखणला. रोहा पॅसेंजरमधून प्रवास करणाऱ्या एका महिलेच्या सामानात बॉम्ब असल्याचे दूरध्वनीवरील व्यक्तीने सांगितले आणि तातडीने फोन ठेवून दिला. दूरध्वनी करणाऱ्याने आपले नाव जीतेंद्र म्हात्रे असेही सांगितले. जीतेंद्रच्या दूरध्वनीमुळे खळबळ उडाली. तातडीने गाडीतील प्रवाशांना खाली उतरवून घेण्यात आले. त्यांच्याकडील सामानाची तपासणी करण्यात आले. पनवेलहून श्वानपथकही आले. मात्र, या सर्व तपासानंतर काहीही हाती लागले नाही. अखेरी बॉम्बची अफवाच असल्याचे स्पष्ट झाले.  दरम्यान, हा दूरध्वनी कोठून आला आणि कोणी केला, याबाबत शोध केला असता हा दूरध्वनी परदेशातून आला असल्याचे स्पष्ट झाले. जीतेंद्र म्हात्रे हे नाव खोटे असल्याचे पोलिसांनी सांगितले. तसेच रेल्वे सुरक्षा दलाचे मुंबई विभागीय प्रमुख आलोक बोहरा यांना विचारले असता संपूर्ण अफवा ही प्रेमभंगाच्या निराशेतून पसरवण्यात आल्याचे त्यांनी सांगितले. ही महिला विवाहित असून तिचे विवाहबाह्य प्रेमसंबंध होते. तिचा प्रियकर आखाती देशांमध्ये नोकरीला गेल्यानंतर त्यांच्यात तणाव निर्माण झाल्याने त्याने हे पाऊल उचलल्याचे बोहरा म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 21, 2014 2:59 am

Web Title: love breaking story behind the bomb rumour in diva roha train
Next Stories
1 संक्षिप्त : व्हॉट्सअॅपवर अफवांचे ‘स्फोट’
2 मतदारांनीच ‘औकात’ दाखवल्यानंतर आता राज ठाकरे मुंबईत सभा घेणार
3 निलंबीत अधिकारी फाटक, व्यास यांचे ‘आदर्श पुनर्वसन’!
Just Now!
X