08 August 2020

News Flash

‘लकी कंपाऊंड’च्या मुख्य ठेकेदारास अटक

शीळ-डायघर येथील लकी कंपाऊंडमधील इमारत दुर्घटनेनंतर फरार झालेला इमारतीचा मुख्य ठेकेदार लक्ष्मण राठोड याला ठाणे गुन्हे अन्वेषण शाखेने नुकतीच लातूर येथून अटक केली आहे.

| July 15, 2014 01:46 am

शीळ-डायघर येथील लकी कंपाऊंडमधील इमारत दुर्घटनेनंतर फरार झालेला इमारतीचा मुख्य ठेकेदार लक्ष्मण राठोड याला ठाणे गुन्हे अन्वेषण शाखेने नुकतीच लातूर येथून अटक केली आहे.
लकी कंपाऊंडमधील सात मजली अनधिकृत इमारत कोसळून ७४ निष्पाप नागरिकांचा मृत्यू झाला होता. या घटनेप्रकरणी ठाणे गुन्हे अन्वेषण शाखेच्या पथकाने बिल्डर, त्याचे भागीदार, महापालिकेचे वरिष्ठ अधिकारी, पोलीस हवालदार, पत्रकार, नगरसेवक आदींना अटक केली होती. त्यापैकी काहींची जामीनावर सुटका झाली आहे. इमारत दुर्घटना घडली, त्यावेळी राठोड तेथे उपस्थित होता. मात्र, या घटनेचा अंदाज येताच त्याने तेथून पळ काढला होता. तो मुळगावी लातूरला पळून गेल्याची माहिती पोलिसांकडे होती. त्यानुसार, पोलिसांनी दोनदा लातूरला जाऊन त्याचा शोध घेतला. मात्र, त्यावेळी तो त्यांच्या हाती लागला नव्हता. दरम्यान, गेल्या आठवडय़ात ठाणे गुन्हे अन्वेषण शाखेच्या पथकाने लातूर येथून त्याला अटक केली आहे, अशी माहिती पोलीस सूत्रांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2014 1:46 am

Web Title: lucky compounds main contractor arrested
टॅग Contractors
Next Stories
1 धोकादायक इमारतीचे प्लॅस्टर कोसळून तीन महिला जखमी
2 सोनसाखळी चोरांना लावलेला मोक्का पोलिसांच्या अंगाशी
3 ‘बेस्ट’ला केंद्राकडून ३९५ कोटींचे कर्ज
Just Now!
X