15 August 2020

News Flash

वीजबळीच्या वारसांना सरकारकडून ४ लाखांच्या मदतीची घोषणा

आतापर्यंतच्या शासकीय धोरणानुसार वीजबळीच्या नातेवाईकांना एक लाखांची मदत देण्यात येत होती

वीज कोसळून मृत्यू झालेल्या नागरिकांच्या कुटुंबियांना मंगळवारी राज्य सरकारकडून चार लाखांची मदत जाहीर करण्यात आली. राज्य मंत्रिमंडळाच्या बैठकीत घेण्यात आलेल्या या निर्णयाबद्दल मदत आणि पुनवर्सनमंत्री एकनाथ खडसे यांनी माहिती दिली. यंदाच्या पावसाळ्यात राज्यातील ६९ जणांचा वीज पडून मृत्यू झाला. गेल्या तीन दिवसांतील वादळी पावसाने ५० वीजबळी घेतले होते. आतापर्यंतच्या शासकीय धोरणानुसार वीजबळीच्या नातेवाईकांना एक लाखांची मदत देण्यात येत होती. मात्र, आता ही मर्यादा वाढवून आता चार लाखांपर्यंत करण्यात आली आहे. तसेच मृत व्यक्तीचा शवविच्छेदन अहवाल सादर करण्यात आल्यानंतर २४ तासांच्या आत मृतांच्या नातेवाईकांना ही मदत देण्याचे आदेशही प्रशासनाला देण्यात आल्याचे एकनाथ खडसेंनी सांगितले. याशिवाय, वीज पडून जनावरे दगावलेल्या शेतकऱ्यांनाही मदत जाहीर करण्यात आली आहे. यामध्ये बैलासारख्या मोठ्या जनावरांसाठी ३० हजार रूपये, गाढव-उंटासाठी १५ हजार रूपये आणि शेळ्या-मेंढ्यासाठी साडेतीन हजार रूपयांची नुकसान भरपाई मिळणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 6, 2015 4:45 pm

Web Title: maharashtra government announced 4 lakh rupees compensation to relatives of lighting death victims
Next Stories
1 अभ्यासपूर्ण वातावरणात ‘पर्यावरणा’चा जागर सुरू
2 अनुकंपा तत्त्वाला वयाच्या आडून अपात्रतेची कात्री
3 विद्यार्थ्यांच्या ऊर्जेला विधायक वळण
Just Now!
X