राज्य सरकारच्या हालचाली, छाननी समिती कार्यरत

सार्वजनिक ठिकाणी कोणाचीही पर्वा न करता तंबाखू थुंकणाऱ्यांची संख्या दिवसेंदिवस वाढत आहे. अगदी शासकीय रुग्णालयांतही जवळपास सर्व भिंती पान-तंबाखू खाऊन थुंकणाऱ्यांनी रंगविलेल्या दिसतात. याविरोधात कठोर कारवाई करणारा कायदा सरकार तयार करीत असून त्यासाठी आवश्यक त्या कायदेशीर बाबी तपासण्यासाठी छाननी समितीची बैठक गुरुवारी मंत्रालयात पार पडली.
कायद्यात कोणत्याही पळवाटा राहू नयेत, यासाठी छाननी समितीच्या माध्यमातून सर्व बाबींची तपासणी होत आहे. गुरुवारच्या बैठकीला अन्न व नागरी पुरवठामंत्री गिरीश बापट, आरोग्यमंत्री डॉ. दीपक सावंत, वैद्यकीय शिक्षणमंत्री विनोद तावडे, पाणीपुरवठा व स्वच्छतामंत्री बबनराव लोणीकर तसेच संबंधित विभागाचे वरिष्ठ अधिकारी उपस्थित होते.
थुंकण्यास प्रतिबंध करणारा पहिला आदेश आरोग्य विभागाच्या प्रधान सचिव सुजाता सौनिक यांनी शासकीय रुग्णालयांसाठी गेल्या वर्षी जारी केला होता. तसेच आरोग्यमंत्री डॉ. सावंत यांनी याबाबत कठोर कायदा व्हावा यासाठी मुख्यमंत्री देवेंद्र फडणवीस यांच्याकडे आग्रह धरला.
तसेच सार्वजनिक ठिकाणी बिनदिक्कत थुंकण्याविरोधात प्रबोधन कसे करावे यावरही बैठकीत चर्चा झाली.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
nagpur, New Underpass, Road Under Railway line, Manas Chowk, Causes Issues, Large Vehicles, Traffic Congestion,
मानस चौकातील भुयारी मार्गामुळे नागपूरकरांना भोवळ! बोगदा संपताच सिग्नल असल्याने वाहतूक कोंडी
Criminal action in case of beating of MSEDCL employees
महावितरण कर्मचाऱ्यांना मारहाण केल्यास महागात पडणार
Analysis of adulterated food will be expedited report will be available within 14 days
भेसळयुक्त खाद्यपदार्थांचे विश्लेषण वेगात होणार, १४ दिवसांमध्ये मिळणार अहवाल

’थुंकण्याला आळा घालण्यासाठी ‘महाराष्ट्र आरोग्य रक्षण आणि थुंकी प्रतिबंधक अधिनियम २०१५’ तयार करण्यात येत आहे.
’या अंतर्गत दंडाची व्याप्ती, आकारणीचे अधिकार कोणाला द्यायचे, यावर मंत्रालयात बैठकीत चर्चा.