25 May 2020

News Flash

मुंबईत लवकरच मोटर बाइक रुग्णवाहिका : आरोग्यमंत्र्यांचे आश्वासन

तरंगत्या दवाखान्याची योजना अलिबाग ते गेट वे ऑफ इंडिया दरम्यान सुरू केली जाणार आहे.

खासगी रुग्णालयांकडून होणारी गरीब रुग्णांची लूट थांबवण्यासाठी सरकार लवकरच नवीन कायदा करणार असून त्यामुळे कोणत्या उपचारासाठी किती शुल्क असेल याची यादीच प्रत्येक रुग्णालयात लावली जाणार आहे. त्याचा भंग करणाऱ्यांवर कारवाई केली जाईल, तसेच मुंबईत लवकरच ‘मोटर बाइक रुग्णवाहिका’ योजना सुरू करण्यात येणार असल्याचे आश्वासन आरोग्यमंत्री डॉ. दीपक सावंत यांनी शुक्रवारी विधान परिषदेत दिले.

राजीव गांधी जीवनदायी योजनेची व्याप्ती वाढविण्यात येणार असून त्यात गुडघा प्रत्यारोपण, सर्पदंश अशा आजारांचा समावेश करण्यात येणार आहे. तरंगत्या दवाखान्याची योजना अलिबाग ते गेट वे ऑफ इंडिया दरम्यान सुरू केली जाणार आहे. मुंबईत मोटर बाइक रुग्णवाहिका सुरू करण्याचा निर्णय घेण्यात आला असून लवकरच मुंबईत  या रुग्णवाहिका धावू लागतील, असेही सावंत म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 2, 2016 4:48 am

Web Title: maharashtra govt to launch motorbike ambulances in mumbai
टॅग Maharashtra Govt
Next Stories
1 अभिनेत्री प्रत्युषा बॅनर्जीची आत्महत्या
2 मंत्री-अधिकाऱ्यांच्या हलगर्जीमुळे वीज मंडळास २५ हजार कोटींचा फटका!
3 ‘नागपूरकर व्यक्तीने मुंबईचा विकास केल्याचे दाखवून देईन’ – मुख्यमंत्री
Just Now!
X