मुंबई : अध्यापनासाठी तंत्रज्ञानाचा वापर करण्याकडे वाढता कल लक्षात घेता अशा तंत्रज्ञाननिर्मिती करण्याच्या संकल्पनेवर भारतीय तंत्रज्ञान संस्था, मुंबई (आयआयटी) येथे ‘एज्युकेशनल टेक्नॉलॉजी’ हा आंतरविद्याशाखीय पदव्युत्तर अभ्यासक्रम (एम.टेक) सुरू करण्यात येत आहे. तंत्रज्ञान आधारित शिक्षण पद्धतीवर नवे नवे संशोधन होत आहे. अध्ययन-अध्यापनाची प्रक्रिया प्रभावी होण्यासाठी तंत्रज्ञान, विविध प्रणालींचा विकास होण्याची आवश्यकता आहे. त्या दृष्टीने आयआयटी मुंबई येथे ‘एज्युकेशन टेक्नॉलॉजी’ या विषयातील पदव्युत्तर अभ्यासक्रम येत्या शैक्षणिक वर्षांपासून (२०१९) सुरू करण्यात येणार आहे. विद्यार्थ्यांना अनुभवाधारित शिक्षण मिळण्यासाठी नव्या प्रणाली, तंत्रज्ञान विकसित करणाऱ्या सक्षम मनुष्यबळाची निर्मिती करणे हा या अभ्यासक्रमामागील उद्देश आहे. तंत्रज्ञान विकासाबरोबरच शैक्षणिक सिद्धांत, अध्यापनशास्त्र, विश्लेषण, रचना, संशोधन प्रणाली, संशोधनाचे शिक्षण पद्धतीत उपयोजन करणे, शैक्षणिक वातावरण अशा घटकांचा समावेश असणार आहे. दोन वर्षांच्या अभ्यासक्रमांत सैद्धांतिक घटकांबरोबरच आठ आठवडय़ांचा प्रत्यक्ष कामाचा अनुभव, प्रकल्प अशी रचना असणार आहे. सक्षम मनुष्यबळाची निर्मिती हा अभ्यासक्रमाचा उद्देश विद्यार्थ्यांना अनुभवाधारित शिक्षण मिळण्यासाठी नव्या प्रणाली, तंत्रज्ञान विकसित करणाऱ्या सक्षम मनुष्यबळाची निर्मिती करणे हा या अभ्यासक्रमामागील उद्देश आहे. येत्या शैक्षणिक वर्षांपासून (२०१९) हा अभ्यासक्रम सुरू करण्यात येणार आहे.