News Flash

मुंबईच्या कमाल तापमानात वाढ

सायंकाळी कमाल तापमानात वाढ होऊन सांताक्रूझ येथे पारा ३४.४ अंश सेल्सिअसवर

(संग्रहित छायाचित्र)

शनिवारी मुंबईत काही ठिकाणी किमान तापमान १५ अंश सेल्सिअसपर्यंत खाली गेले असले, तरी दिवसभरात कमाल तापमानात वाढ झाली असून, रविवारपासून तापमानात वाढ होण्याची शक्यता हवामान विभागाने वर्तवली आहे. त्यामुळे आता उकाडा जाणवण्याची शक्यता आहे.

गेल्या आठवडाभरात मुंबईचे कमाल तापमान ३० अंशापेक्षा आणि किमान तापमान २० अंशापेक्षा कमी राहिले होते. शनिवारी सांताक्रूझ येथे किमान तापमान १६.६ अंश, पवई १५ आणि पनवेल येथे १४.५ अंश से. नोंदविण्यात आले. मात्र सायंकाळी कमाल तापमानात वाढ होऊन सांताक्रूझ येथे पारा ३४.४ अंश सेल्सिअसवर पोहोचला.

हवामान विभागाच्या अंदाजानुसार तापमानातील वाढ ही यापुढे कायम राहण्याची शक्यता आहे.

शनिवारी राज्यात अनेक ठिकाणी किमान तापमान १५ अंशपर्यंत खाली गेले होते. कोकणात किमान तापमानात सरासरीच्या तुलनेत लक्षणीय घट झाली, तर मध्य महाराष्ट्रात किंचित घट झाली.

राज्यात सर्वात कमी किमान तापमान नाशिक येथे ११.६ अंश सेल्सिअस होते. कमाल तापमानात राज्यभरात हळूहळू वाढ होण्याची शक्यता हवामान विभागाने वर्तवली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 15, 2020 1:38 am

Web Title: maximum temperature rise in mumbai abn 97
Next Stories
1 सरकारी कारकून, बांधकाम मजूर ते विधानसभा उपाध्यक्ष..
2 शाळा-महाविद्यालये ३१ मार्चपर्यंत बंद
3 ‘तरुण तेजांकित’ उपक्रमाला तूर्त स्थगिती
Just Now!
X