गणेशोत्सवात मुंबईकरांना लोकलचा प्रवास त्रासाचा ठरू नये यासाठी मध्य, पश्चिम व हार्बर या मार्गावरील रविवारी असणारा मेगाब्लॉक रद्द करण्यात आला आहे. गणेशोत्सवात मुंबईकर आप्त-नातेवाईक, मित्रमंडळींकडे गणेशदर्शनासाठी जातात. मेगाब्लॉकवेळी गाडय़ांचे वेळापत्रक बिघडत असल्याने प्रवाशांचे प्रचंड हाल होतात. त्यामुळे रविवारी मुंबईकरांना गणेशोत्सवात प्रवास कठीण होऊ नये यासाठी रेल्वे प्रशासनाने मेगाब्लॉक रद्द केला आहे.
