मनोरूग्ण मुलीने आपल्या वृद्ध वडिलांना केलेल्या बेदम मारहाणीत त्यांचा मृत्यू ओढवल्याची धक्कादायक घटना डोंबिवलीत कोपर रोड भागात मंगळवारी रात्री घडली. रिना नायर (वय ३३) असे या मनोरूग्ण तरुणीचे नाव असून तिला विष्णुनगर पोलिसांनी अटक केली आहे.
आनंद नायर (वय ८२), पत्नी यशोदा (७०) व मुलगी रिना हे कुटुंब कोपर रोड भागात राहते. मनोरूग्ण मुलीचा सांभाळ हे वृद्ध दाम्पत्य करीत होते. मंगळवारी रात्री रिनाने आनंद यांना लाथाबुक्क्यांनी बेदम मारहाण केली. या मारहाणीत आनंद यांचा मृत्यू झाल्याची तक्रार पत्नी यशोदा यांनी पोलिस ठाण्यात केली. त्यानंतर पोलिसांनी रिनाला अटक केली.