सोनसाखळी चोरणाऱ्या एका अल्पवयीनाला एमएचबी पोलिसांनी ताब्यात घेतले. अमली पदार्थ खरेदी करण्यासाठी तो हे कृत्य करीत होता, असे पोलिसांनी सांगितले. दहिसरच्या रावळपाडा येथे पहाटे एका महिलेच्या गळ्यातील मंगळसूत्र चोरण्याचा प्रयत्न या आरोपी अल्पवयीनाने केला होता. महिलेने आरडाओरड करताच गस्तीवरील पोलिसांनी मोटारसायकलीवरून पळून जाणाऱ्या अल्पवयीनाचा पाठलाग सुरू केला. त्याचवेळी त्याची मोटारसायकल घसरली आणि तो खाली पडला. पोलिसांनी त्याची झडती घेतली तेव्हा त्याच्याकडे एक सोन्याचे मंगळसूत्र आणि एक सोनसाखळी सापडली. त्याने परिसरात पाच सोनसाखळी चोरल्याची कबुली दिली आहे. त्याची रवागनी डोंगरी बालसुधारगृहात केली आहे.
