News Flash

नारायण राणे-राम कदम भेट

विधान भवनाच्या इमारतीमध्ये पोलीस अधिकाऱ्याला मारहाण करणारे मनसेचे आमदार राम कदम यांनी उद्योगमंत्री नारायण राणे यांची त्यांच्या निवासस्थानी रविवारी भेट घेतली. पोलीस अधिकाऱ्यास मारहाण केल्यामुळे

| April 1, 2013 02:54 am

विधान भवनाच्या इमारतीमध्ये पोलीस अधिकाऱ्याला मारहाण करणारे मनसेचे आमदार राम कदम यांनी उद्योगमंत्री नारायण राणे यांची त्यांच्या निवासस्थानी रविवारी भेट घेतली. पोलीस अधिकाऱ्यास मारहाण केल्यामुळे संतप्त झालेले मनसेचे अध्यक्ष राज ठाकरे यांची मनधरणी कशी करावी असा प्रश्न पडलेल्या  कदम यांनी राणे यांची भेट घेतल्यामुळे राजकीय वर्तुळात उलटसुलट चर्चा सुरू होती.
सहाय्यक पोलीस निरीक्षक सचिन सूर्यवंशी यांना राम कदम यांच्यासह पाच आमदारांनी विधान भवनाच्या इमारतीतच मारहाण केली होती. समाजाचे रक्षण करणाऱ्या पोलिसांवर कधीही हात उचलू नयेत, असे आदेश राज ठाकरे यांनी सीएसटी येथील जाहीर सभेत दिले होते. मात्र कदम यांनी पोलीस अधिकाऱ्याला मारहाण केल्यामुळे संतप्त झालेल्या राज ठाकरे यांच्या पुढे आपण कसे जायचे असा प्रश्न कदम यांना पडला आहे.
राज ठाकरे आणि राणे यांची मैत्री सर्वश्रुत आहे. त्यामुळे कदम यांनी  राणे यांची रविवारी सायंकाळी वांद्रे येथील त्यांच्या निवासस्थानी भेट घेतली.कदम आणि राणे यांच्यामध्ये तब्बल पाऊणतास चर्चा झाली. दरम्यान, राणे यांच्या प्रकृतीची चौकशी करण्यासाठी कदम त्यांच्या निवासस्थानी गेले होते, असे कदम यांच्या निकटवर्तीयांकडून सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 1, 2013 2:54 am

Web Title: mla ram kadam today met narayan rane at his residence
टॅग : Narayan Rane,Ram Kadam
Next Stories
1 आर्थिक नियोजनाअभावी गोंधळ,
2 मध्य रेल्वेच्या वक्तशीरपणाची ऐशी की तैशी !
3 कुत्र्याने माग काढल्याने गुन्हेगाराची जन्मठेप कायम
Just Now!
X