24 April 2018

News Flash

VIDEO: राज ठाकरेंच्या इशाऱ्यानंतर कार्यकर्ते आक्रमक, मुंबईतील नाणार प्रकल्पाच्या कार्यालयाची तोडफोड

महाराष्ट्र नवनिर्माण सेना (मनसे) अध्यक्ष राज ठाकरे यांनी नाणार प्रकल्प होऊ देणार नाही असा इशारा दिल्यानंतर आज मनसे कार्यकर्त्यांनी मुंबईतील नाणार प्रकल्पाच्या कार्यालयाची तोडफोड केली

महाराष्ट्र नवनिर्माण सेना (मनसे) अध्यक्ष राज ठाकरे यांनी नाणार प्रकल्प होऊ देणार नाही असा इशारा दिल्यानंतर आज मनसे कार्यकर्त्यांनी मुंबईतील नाणार प्रकल्पाच्या कार्यालयाची तोडफोड केली आहे. ताडदेवमधील नाणार प्रकल्पासाठी काम करणारं कार्यालय मनसे कामगार सेनेने फोडलं आहे. ताडदेव येथील रिफायनरी अँड पेट्रो-केमिकल लिमिटेडवर हा हल्ला करण्यात आला. राज ठाकरेंच्या मुलुंडमधील सभेतील इशाऱ्यानंतर नाणार प्रकल्पावरुन मनसे आक्रमक झाली असल्याचं पहायला मिळत आहे.

राज ठाकरे यांनी रविवारी बोलताना कोणत्याही परिस्थितीत नाणारमध्ये तेल शुद्धीकरण प्रकल्प होऊ देणार नाही म्हणजे नाहीच, अशा इशारा सरकारला दिला होता. काही दिवसांपूर्वी रिफायनरी प्रकल्प होऊ नये यासाठी नाणारवासियांनी राज ठाकरेंची भेट घेतली होती.

‘नाणारमधील प्रकल्पामुळे कोकणाचं नुकसान होईल. त्यामुळेच कोकणवासी या प्रकल्पाविरोधात आहेत. मात्र फक्त पैशांसाठी या भागात जमिनी खरेदी करणाऱ्या लोकांना हा प्रकल्प हवा आहे. प्रकल्पासाठी जमिनी विकून पैसा कमावता यावा, यासाठी नाणारमध्ये भाजप नेत्यांच्या नातेवाईकांनी जमिनी खरेदी केल्या आहेत,’ असा थेट आरोप राज ठाकरे यांनी केला होता.

मनसेच्या वतीन मुलुंड येथे एका शानदार सोहळ्यात १०० महिलांना रिक्षांचे वाटप करण्यात आले. महिलांना सक्षम करण्यासाठी मनसेने हे पाऊल उचलले असून राज यांच्याहस्ते महिलांना रिक्षांच्या चाव्या प्रदान करण्यात आल्या. यावेळी झालेल्या सभेत राज बोलत होते.

First Published on April 16, 2018 4:10 pm

Web Title: mns activist vandalise nanar project office in mumbai
  1. Vijay Shankar Mahajan
    Apr 16, 2018 at 7:29 pm
    महाराष्ट्रात, खासकरून कोकणात नवीन उद्योग येवू द्यायचे नाही दुसरीकडे महाराष्ट्रातील उद्योग मोदी गुजरातला नेतोय ही ओरड. एनरान ची पार वाट लावली. त्यांच्या विदेशी मॅडम सलवार कमीझ घालून कुंकू लावून पाया पडून आशिर्वाद घेवून गेल्या तोवर उशीर झाला होता. त्यांचे पार दिवाळ निघाल. असल्या भानगडीत न पडता नवीन उद्योगांनी गुजरातलाच जावे. आम्ही मराठी. आमच्या नेत्यांसाठी मोडू पण वाकणार नाही.
    Reply
    1. Madhavrao Peshwa
      Apr 16, 2018 at 4:50 pm
      माननीय राज ठाकरेंना थोडा पैसा द्या . एक दोन कंत्राटे नितीन सरदेसाईना द्या.मगच शांत होतील.
      Reply