पँटच्या खिशातील मोबाईलचा अचानक स्फोट झाल्याने एका युवकाचा पाय भाजला आहे. करण ठाकरे असे जखमी युवकाचे नाव असून तो ठाणे जिल्ह्यातील शहापूर तालुक्यात राहतो. करण ठाकरेवर रूग्णालयात उपचार करण्यात आले. करण ठाकरे याने नेहमीप्रमाणे आपल्या खिशात मोबाईल ठेवला होता. अचानक त्याच्या मोबाईलच्या बॅटरीचा स्फोट झाला. यामुळे त्याच्या डाव्या पायाची मांडी भाजली. त्याला उपचारासाठी लगेचच रूग्णालयात दाखल करण्यात आले. स्फोट झालेला मोबाईल फोन कार्बन कंपनीचा असल्याचे एबीपी माझा या मराठी वृत्त वाहिनीने म्हटले आहे.
