25 January 2021

News Flash

शहरात एकाच वेळी पोलिसांची धडक मोहीम

अमलीपदार्थप्रकरणी ५३ गुन्हे, ४८ फरार आरोपींना अटक

गैरकृत्ये आणि गुन्ह्य़ांना पायबंद घालण्यासाठी शुक्रवारी मध्यरात्री ‘ऑल ऑऊट ऑपरेशन’ ही धडक मोहीम राबवून मुंबई पोलिसांनी विविध ठिकाणी छापे टाकले आणि नाकाबंदी केली.

या कारवाईत अमलीपदार्था संबंधी ५३ गुन्हे नोंदविण्यात आले. तर ४८ फरार आरोपींना अटक करण्यात आली. त्याचबरोबर तडीपार कारवाईचे उल्लंघन करून आलेल्या २२ गुन्हेगारांना अटक केली.

‘ऑल ऑऊट ऑपरेशन’ मोहिमेअंतर्गत मुंबईतील पोलिसांनी सर्व पोलीस ठाण्यातून एकाच वेळी शुक्रवारी रात्री ११ ते २ दरम्यान तीन तास मोहीम राबविली. शहरातील संवेदनशील भाग, गुन्हेगारी कृत्ये मोठय़ा प्रमाणात होणाऱ्या ठिकाणी पोलिसांनी कारवाई करून गुन्हेगारांवर जरब बसवली.

कारवाईत ८५१ संशयित  हॉटेल्स, लॉज आणि मुसाफिरखान्यांची  तपासणी केली. शहरात एकाच वेळी ८६१ ठिकाणी नाकाबंदी करून सात हजार ५६२ वाहनांची तपासणी करण्यात आली. तर १८९ ठिकाणी धरपकड, त्याचबरोबर संवेदनशील आणि गुन्हेगारी कारवाया होणाऱ्या भागात पायी गस्त घालण्यात आली. प्

पोलिसांनी केलेल्या कारवाईत १ अवैध पिस्तुल, ११ तलवारी आणि चाकू जप्त करण्यात आले. त्याचबरोबर अमलीपदार्थांचे सेवन केलेल्या ४४ जणांवर गुन्हे दाखल करण्यात आले.

पोलिसांनी गांजा, एमडी आदी अमलीपदार्थ जप्त केले. त्याचबरोबर अभिलेखावरील ३६२ गुन्हेगारांची तपासणी केली. तसेच अवैध जुगार आणि दारू अड्डेही उद्ध्वस्त केल्याची माहिती पोलिसांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2020 12:12 am

Web Title: mumbai 53 fugitives arrested in drug case abn 97
Next Stories
1 देहविक्रय करणाऱ्या महिलांची बँक खाती नसल्याने निधी वितरणात अडचण
2 मुंबईत दिवसभरात ७८६ रुग्ण
3 शेतकरी आंदोलनामुळे औषधपुरवठय़ावर परिणाम
Just Now!
X