News Flash

मुंबई एअरपोर्टवरुन विमान उड्डाणांची संख्या दुप्पट, आजपासून सुरूवात

मुंबई एअरपोर्टवरून उड्डाण घेणाऱ्या विमानांची संख्या आजपासून दुप्पट...

(संग्रहित छायाचित्र)

मुंबईच्या छत्रपती शिवाजी महाराज आंतरराष्ट्रीय विमानतळावरून उड्डाण घेणाऱ्या विमानांची संख्या आजपासून(दि.१६) दुप्पट होत आहे. नागरी उड्डाण मंत्रालयाने सोमवारी मुंबई विमानतळावरुन दररोज १०० देशांतर्गत विमानांची वाहतूक करण्यास परवानगी दिली.

करोनाच्या पार्श्वभूमीवर देशात संपूर्ण विमानसेवा बंद करण्यात आली होती. पण २४ मे रोजी देशांतर्गत विमानसेवा सुरू करण्याचा निर्णय घेण्यात आला होता. यामध्ये ५० विमाने ये-जा करण्याचा निर्णय घेण्यात आला होता. पण आता दररोज १०० देशांतर्गत विमानांची वाहतूक करण्याची परवानगी मिळाली आहे. त्यामुळे विमानतळावर आजपासून ५० विमानांचे आगमन व ५० विमानांचे उड्डाण होईल.


मुंबईतून सध्या देशाच्या विविध पंधरा सेक्टरमध्ये देशांतर्गत हवाई प्रवास सुरू आहे. लवकरच त्यामध्येही वाढ करण्यात येणार असल्याचे समजते. लॉकडाउन लागू होण्याआधी मुंबई एअरपोर्टवरुन दररोज सुमारे १००० विमानांची (देशांतर्गत व आंतरराष्ट्रीय) वाहतूक व्हायची. तर, आता दररोज १०० देशांतर्गत विमानांची वाहतूक होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2020 2:15 pm

Web Title: mumbai airport to operate 100 flights double flight operations from june 16th sas 89
टॅग : Coronavirus
Next Stories
1 मुंबईतील करोना मृत्यू १००० ने वाढण्याची शक्यता!
2 पत्रकारिततेला धडाडीचा आवाज शांत झाला! दिनू रणदिवे यांचं वृद्धापकाळाने निधन
3 बँक कर्मचाऱ्यांनाही लोकलने प्रवासाची परवानगी द्या, संघटनांची मागणी
Just Now!
X