News Flash

आणखी तीन दिवस तरी उकाडा कायम

मुंबईकरांना केवळ हूल देऊन गायब झालेली थंडी किमान तीन दिवस तरी परतण्याची शक्यता नाही. उत्तरेतही थंडीची लाट ओसरली असून पुढील आठवडय़ात तेथे थंडी परतण्याची शक्यता

| February 5, 2014 12:02 pm

मुंबईकरांना केवळ हूल देऊन गायब झालेली थंडी किमान तीन दिवस तरी परतण्याची शक्यता नाही. उत्तरेतही थंडीची लाट ओसरली असून पुढील आठवडय़ात तेथे थंडी परतण्याची शक्यता आहे. तेव्हा वाऱ्यांची दिशा उत्तरेकडून असल्यास मुंबई पुन्हा थंडगार होऊ शकेल.
जानेवारीच्या पहिल्या पंधरवडय़ात थंडीने जोरदार आघाडी उघडली होती. किमान तापमान १३ अंश सेल्सिअसपर्यंत उतरले होते. मात्र त्यानंतर थंडीचा प्रभाव ओसरू लागला. जानेवारीच्या शेवटच्या आठवडय़ात तर पावसाच्या शिडकाव्यानंतर थंडी पार पळाली. गेल्या चार दिवसात मध्यान्हाला घराबाहेर पडणारे मुंबईकर घामाघूमही होऊ लागले आहेत. सांताक्रूझ आणि कुलाबा येथील हवामान केंद्राच्या तापमापकातील पाराही हेच दाखवत आहे. कमाल तापमान तब्बल ३५ अंश सेल्सिअस होत असून रात्रीही पारा खाली उतरताना दिसत नाही. उत्तर भारतातही थंडी ओसरली असून हे हवामान आणखी तीन दिवस तरी कायम राहणार आहे, असे मुंबई हवामानशास्त्र विभागाचे संचालक व्ही. के. राजीव यांनी सांगितल़े

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 5, 2014 12:02 pm

Web Title: mumbai city to face theheat for 3 more days
Next Stories
1 संक्षिप्त : मुख्यमंत्र्यांच्या आश्वासनानंतर अपंगांचे आंदोलन मागे
2 शिवाजी महाराजांच्या स्मारकासाठी १०० कोटींची प्राथमिक तरतूद
3 सालेमचा ‘एक्स्प्रेस निकाह’ पोलिसांना महागात पडणार
Just Now!
X