News Flash

मुंबई : अंडरवर्ल्ड डॉन अरुण गवळी गँगच्या सदस्याची तळोजा कारागृहात आत्महत्या

आत्महत्येचं कारण अद्याप समोर आलेलं नाही.

प्रतिनिधिक छायाचित्र

अंडरवर्ल्ड डॉन अरुण गवळी गँगमधील ३६ वर्षीय सदस्याने नवी मुंबईतील तळोजा कारागृहात बुधवारी रात्री आत्महत्या केल्याचे समोर आले आहे. त्याच्या आत्महत्येचे कारण अद्याप समोर आलेले नाही. स्वतःच्या पत्नीला बेदम मारहाण केल्याप्रकरणी त्याला काही दिवसांपूर्वी अटक झाली होती. त्यानंतर त्याची तळोजा कारागृहात रवानगी करण्यात आली होती. पोलीस महानिरिक्षक दीपक पांडे यांनी या घटनेला दुजोरा दिला आहे.

पोलिसांच्या माहितीनुसार, दिनेश लक्ष्मण नारकर (वय ३६) ऊर्फ दिन्या असे गवळी गँगमधील या मृत सदस्याचे नाव आहे. पत्नीवर धारदार शस्त्राने वार करीत तिला जीवे मारण्याचा प्रयत्न केल्याप्रकरणी त्याला १० जुलै रोजी कलम ३०७ कलमांतर्गत एन. एम. जोशी मार्ग पोलिसांनी अटक केली होती. त्यानंतर २० जुलै रोजी त्याची तळोजा कारागृहात रवानगी करण्यात आली होती. हिंदुस्तान टाइम्सने याबाबत वृत्त दिले आहे.

दरम्यान, तळोजा कारागृहाचे पोलीस अधीक्षक कौस्तुभ कुर्लेकर यांनी सांगितलं की, “बुधवारी रात्री ९ वाजण्याच्या सुमारास कारागृहातील रक्षक गस्तीवर असताना दिनेश नारकर त्याला स्वच्छतागृहात अत्यवस्थ आढळला. त्यानंतर त्याला कारागृहाच्या रुग्णालयात दाखल करण्यात आले. मात्र, तिथं त्याला मृत घोषित करण्यात आले.”

दिनेश नारकर हा प्रभादेवी येथील संजीवनी प्रसाद बिल्डिंग येथे रहायला होता. त्याला सन २०१७ मध्ये शिवसेना नगरसेवक कमलाकर जामसंडेकर यांच्या हत्येप्रकरणी टोळीप्रमुख अरुण गवळी आणि इतर सदस्यांबरोबर अटक झाली होती. नंतर या प्रकरणातून तो निर्दोष सुटला होता. सन २०१८मध्ये देखील त्याला एका पोलीस कर्मचाऱ्याला मारहाणप्रकरणी अटक झाली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 30, 2020 2:27 pm

Web Title: mumbai don arun gawli gang member commits suicide in taloja jail aau 85
Next Stories
1 आनंद महिंद्रांनी मुंबईकर दाम्पत्याला दिले चार लाख रुपये, जाणून घ्या कारण
2 Coronavirus :…तरच बिल्डिंग करणार सील; BMCनं नियमात केला बदल
3 Video : आपल्याला शरम वाटेल, अशी आहे पं. भातखंडेंच्या घराची स्थिती
Just Now!
X