मुंबईतील वृत्तछायाचित्रकार तरुणीवरील सामुहिक बलात्कार प्रकरणातील चार आरोपींना गुरुवारी न्यायालयीन कोठडी सुनावण्यात आली. शिराज रेहमान खान, विजय जाधव, कासिम बंगाली आणि सलिम अन्सारी यांना १९ सप्टेंबरपर्यंत न्यायालयीन कोठडीत ठेवण्याचे आदेश न्यायालयाने दिले.नराधमांचे आणखी पाशवी कृत्यमुंबईत २२ ऑगस्ट रोजी महालक्ष्मी येथील शक्ती मिल कपाउंडमध्ये छायाचित्रकार तरुणीवर सामुहिक बलात्कार करण्यात आला होता. संबंधित तरुणीने आणि तिच्या सहकारी मित्राने दिलेल्या माहितीच्या आधारे मुंबई पोलिसांनी चार आरोपींना मुंबईमधून तर एकाला दिल्लीतून अटक केली. या सर्व आरोपींना न्यायालयाने पोलिस कोठडी सुनावली होती. त्याची मुदत गुरुवारी संपत असल्याने त्यांना न्यायालयात हजर करण्यात आले होते. यावेळी सरकारी वकिलांनी त्यांना न्यायालयीन कोठडी सुनावण्याची मागणी केली. दोन्ही बाजूंचा युक्तिवाद ऐकल्यानंतर न्यायालयाने चौघांनाही १४ दिवसांची न्यायालयीन कोठडी सुनावली.बलात्कार प्रकरणातील एक आरोपी अल्पवयीन!
