हार्बर मार्गावरील चेंबूर जवळ रेल्वे रूळाखालील सिमेंट बॉक्स बदलल्याने या मार्गावरील लोकल सेवा सुमारे १० ते १५ मिनिटे धीम्या गतीने सुरू आहे. बॉक्स बदलल्याने रेल्वेच्या वेगावर बंधने आली आहेत. ऐन गर्दीच्या वेळी लोकलचा वेग मंदावल्यामुळे प्रवाशांना मोठ्या अडचणीचा सामना करावा लागत आहे. दिवसभर ही वेगमर्यादा कायम राहण्याची शक्यता असून याचा परिणाम हार्बर मार्गावर दिसून येणार आहे. यामुळे सीएसएमटीकडे जाणाऱ्या व येणाऱ्या गाड्या उशिराने धावत आहेत.