News Flash

मुंबईत ऑगस्ट २०१६ पर्यंत पाण्याची चिंता नाही

सध्या सुरू असलेल्या पाणीकपातीमुळे दरदिवशी ५५० दशलक्ष लिटर पाण्याची बचत होत आहे.

मात्र १५ टक्के कपात कायम
मुंबईकरांची तहान भागवणाऱ्या तलावांमध्ये पुरेसा पाणी साठा उपलब्ध असल्याने ऑगस्ट २०१६ पर्यंत तरी पाण्याची कमतरता भासणार नसल्याचे महापालिकेच्या अधिकाऱ्याने स्पष्ट केले आहे. मात्र असे असले तरी सध्या सुरू असलेली १५ टक्के पाणी कपात कायम राहणार असल्याने काही प्रमाणात पाणी टंचाईची झळ मुंबईकरांना सोसावी लागणार आहे.
शहराला पाणीपुरवठा करणाऱ्या तलावांमध्ये सध्या आठ लाख ९२ हजार ३१६ दशलक्ष लिटर इतका पाणीसाठा उपलब्ध असल्याचे गुरुवारी घेण्यात आलेल्या आढाव्यानंतर पालिका अधिकाऱ्याने सांगितले. यात सध्या सुरू असलेल्या पाणीकपातीमुळे दरदिवशी ५५० दशलक्ष लिटर पाण्याची बचत होत आहे. दरदिवशीप्रमाणे महिन्याभराचा विचार केल्यास सुमारे १६ हजार ५०० लिटर पाण्याची बचत होत आहे. येणाऱ्या काळातही पाणी कपात कायम राहणार असल्याने येत्या मे महिन्यापर्यंत सुमारे ८५ हजार दशलक्ष लिटर पाण्याची बचत होणार आहे. यामुळे २६ दिवसांचे पाणी वाचत असल्याने ऑगस्टपयत पाणी पुरवणे शक्य होणार असल्याचे जलअभियंता विभागाच्या एका वरिष्ठ अधिकाऱ्याने सांगितले.

Untitled-12

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 18, 2015 12:15 am

Web Title: mumbai is not sufficient water to august 2016
Next Stories
1 बोगस डॉक्टरांबाबत वैद्यकीय शिक्षण विभागाचे कानावर हात
2 मराठी पुस्तक विश्व आता अ‍ॅमेझॉनवर
3 कोपरी पुलाचा पत्रा पडून मोटरमन जखमी
Just Now!
X