कुर्ला पश्चिमेकडील एका दुमजली इमारतीत आग लागण्याची घडना घडली आहे. माहिती मिळताच अग्निशमन दलाच्या आठ गाड्या घटनास्थळी दाखल झाल्या आहेत. तसेच रहिवासी इमारत असल्याने आतमध्ये काही रहिवासी अडकल्याची शक्यता वर्तवण्यात येत आहे. कुर्ला पश्चिम येथील एस. जी बर्वे मार्गावर असलेल्या पालिकेच्या एल विभागाशेजारी असलेल्या मेहताब या इमारतीत आग लागल्याची ही घटना घडली आहे. अग्निशमन दलाच्या आठ गाड्या घटनास्थळी दाखल झाल्या आहेत. इमारतीमध्ये काही जण अडकल्याच्या शक्यतेमुळे बचावकार्य सुरूवात करण्यात आली आहे. इमारतीमधून अनेक स्फोटांचे आवाज येत आहेत. आग लागण्यामागील कारण सिलिंडर स्फोट हेच कारण असू शकतात असा स्थानिकांचा संशय आहे. आगीवर नियंत्रण मिळविण्यासाठी प्रयत्न सुरू आहेत.
