News Flash

Drunk and drive : मुंबईत मद्यधुंद कारचालकाने अनेक वाहनांना ठोकरले; २ जण जखमी

पोलिसांनी या कार चालकाला थांबवण्यासाठी चार किमीपर्यंत पाठलाग केला आणि त्याला थांबवले. रे रोड ते किडवाई मार्ग या दरम्यान हा प्रकार घडला.

मुंबईत पुन्हा एकदा 'ड्रंक अॅण्ड ड्राइव्ह' अर्थात दारु पिऊन कार चालवताना इतरांचे नुकसान केल्याचा प्रकार शनिवारी समोर आला आहे.

मुंबईत पुन्हा एकदा ‘ड्रंक अॅण्ड ड्राइव्ह’ अर्थात दारु पिऊन कार चालवताना इतरांचे नुकसान केल्याचा प्रकार समोर आला आहे. शनिवारी रात्री एक व्यक्ती मद्यधुंद अवस्थेत आलिशान बीएमडब्ल्यू कार दामटत होता. कार चालवताना नियंत्रण जात असल्याने त्याने चार इतर वाहनांना धडका दिल्या, यात २ जण जखमी झाले आहेत. दरम्यान, पोलिसांनी या कार चालकाला थांबवण्यासाठी चार किमीपर्यंत पाठलाग केला आणि त्याला थांबवले. रे रोड ते किडवाई मार्ग या दरम्यान हा प्रकार घडला.


पोलिसांच्या माहितीनुसार, मेहमुद आलम असे मद्यधुंद चालकाचे नाव आहे. आलमला थांबवण्यासाठी त्याच्या कारचा आम्ही ४ किमीपर्यंत पाठलाग केला आणि त्याला थांबवले. संबंधीत बीएमडब्ल्यू कारच्या मालकाचा तो चालक आहे. त्याचा मालक शनिवारी कामानिमित्त दुबईकडे रवाना झाला त्यानंतर हा प्रकार घडला. या अपघातात जखमी झालेल्या दोघांना तातडीने रुग्णालयात उपचारांसाठी दाखल करण्यात आले. आलमवर योग्य ती कारवाई करण्यात येणार असल्याचेही पोलिसांनी सांगितले.

पोलिसांनी पाठलाग करुन मद्यधुंद चालकाला थांबवले दरम्यान, रस्त्यावर असलेल्या संतप्त स्थानिक नागरिकांनी या चालकाला कारमधून बाहेर ओढत मारहाणही केली. त्याचबरोबर त्याच्या बीएमडब्ल्यू कारचीही मोडतोड केली. मुंबई पोलीस या प्रकरणाचा अधिक तपास करीत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 30, 2018 9:34 am

Web Title: mumbai man driving a bmw in inebriated condition hit multiple vehicles between reay road area kidwai road last night
Next Stories
1 आपल्या भवतालातील स्त्रीशक्तीचा शोध!
2 रेल्वेमंत्र्यांनी एमआरव्हीसीला पुन्हा फटकारले
3 सदोष पोलिओ लसीवर बंदी
Just Now!
X