अभिनेता सुशांत सिंह याच्या आत्महत्येप्रकरणी नेटफ्लिक्स ओरिजनल फिल्म्सचे डायरेक्टर आशिष सिंग यांचीही पोलिसांनी आज चौकशी केली. १४ जून रोजी सुशांत सिंह राजपूत या अभिनेत्याने त्याच्या वांद्रे येथील राहत्या घरी गळफास घेऊन आत्महत्या केली. त्यानंतर हिंदी सिनेसृष्टीत एकच खळबळ उडाली. या प्रकरणी याआधी सुशांतची अत्यंत जवळची मैत्रीण रिया चक्रवर्ती हिचीही पोलिसांनी चौकशी केली होती.