माजी क्रिकेटपटू संदीप पाटील यांचं फेक सोशल अकाऊंट तयार करुन त्यावरुन काही क्रिकेटर्सना नंबर मागण्यात आल्याचा प्रकार समोर आला आहे. याप्रकरणी मुंबई पोलिसांनी अज्ञातांविरोधात तक्रार दाखल केली आहे. संदीप पाटील हे निवड समितीचे माजी अध्यक्षही आहेत. त्यांचे बनावट सोशल मीडिया अकाऊंट तयार करुन काही क्रिकेटर्सना त्यांचे नंबर मागण्यात आले. मुंबई पोलिसांना जेव्हा हा प्रकार समजला तेव्हा त्यांनी तातडीने अज्ञातांविरोधात तक्रार दाखल केली आहे. याप्रकरणी आता पोलीस पुढील तपास करत आहेत. एएनआयने यासंदर्भातले वृत्त दिले आहे. Maharashtra: Mumbai Police registers a case against unknown persons for making a fake social media account of Former India batsman and chairman of selectors, Sandeep Patil. The accused allegedly messaged cricketers from the fake account and asked them for their numbers. — ANI (@ANI) August 27, 2019 संदीप पाटील यांचं बनावट सोशल मीडिया अकाऊंट कोणी तयार केलं ते समजू शकलेलं नाही त्याचमुळे पोलिसांनी अज्ञातांविरोधात तक्रार दाखल केली आहे. तसंच कोणत्या क्रिकेटर्सना त्यांचे नंबर मागण्यात आले याचीही माहिती समोर आलेली नाही.
