News Flash

मुंबईतील कुर्ला भागात इमारतीचा भाग कोसळला

महापालिकेकडून इमारत अतिधोकायक म्हणून आधीच घोषित

मुंबईतील कुर्ला भागात इमारतीचा भाग कोसळला आहे. या दुर्घटनेत कोणतीही जीवितहानी झालेली नाही. कुर्ला स्टेशन रोड भागात मुंबई महापालिकेच्या एल विभागाच्या कार्यालयला लागूनच नेताब ही तीन मजली जुनी इमारत होती. ज्या इमारतीचा भाग कोसळला. ही इमारत पालिकेने अतिधोकादायक म्हणून घोषित केली होती. तरीही काही कुटुंबं या इमारतीत वास्तव्य करत होती. आज दुपारी १२ च्या सुमारास मुंबई आणि उपनगरांमध्ये पाऊस सुरु झाला. त्यावेळी या इमारतीचा काही भाग कोसळला.

दरम्यान इमारतीचा भाग कोसळल्याची माहिती मिळताच अग्निशमन दल, मुंबई महापालिकेचे आपत्कालीन व्यवस्था अधिकारी आणि पोलीस या ठिकाणी गेले. ही इमारत रिकामी करण्याचे काम सुरु आहे. इमारतीत राहणाऱ्या कुटुंबांना सुरक्षित स्थळी हलवण्याचे कामही सुरु आहे. इमारतीचा जो भाग कोसळला त्या ठिकाणी कुणीही वास्तव्य करत नव्हते. सध्या आम्ही तिथे मदत आणि बचावकार्य सुरु केलं आहे अशी माहितीही महापालिकेच्या अधिकाऱ्यांनी दिली आहे.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 18, 2020 3:09 pm

Web Title: mumbai portion of a building collapsed in kurla area today no casualties reported scj 81
Next Stories
1 अवघ्या चार दिवसात ८६२ मृत्यूंचे विश्लेषण-आयुक्त चहेल
2 सरकारची लपवालपवी आणि बनवाबनवी जनतेच्या अंगाशी : अतुल भातखळकर
3 मुंबईकरांच्या पाणीपट्टीत वाढ?
Just Now!
X