मुंबई-पुणे द्रुतगती मार्गावर मार्गदर्शक कमानी उभारण्याचे काम हाती घेण्यात येणार असल्याने गुरुवारी, ९ मे रोजी दुपारी १२ ते २ वाजण्याच्या दरम्यान पुण्याहून मुंबईकडे येणारी वाहतूक बंद ठेवण्यात येणार आहे. राज्य रस्ते विकास महामंडळामार्फत या महामार्गावर विविध ठिकाणी वाहनचालकाना मार्गदर्शक ठरणाऱ्या कमानी उभारण्याचे काम सुरू आहे. उद्या आणखी एक कमान उभारण्यात येणार असून त्यासाठी दोन तास वाहतूक बंद ठेवण्यात येणार आहे. या कालावधीत द्रुतगती मार्गावरील मुंबईकडे जाणारी वाहतूक दोन तासांकरिता पुर्णपणे बंद करण्यात येणार आहे. हलकी चारचाकी आणि इतर प्रवासी वाहने ही द्रुतगती मार्गावरील किवळे ब्रिज येथून जुना मुंबई—पुणे महामार्गाने मुंबईकडे वळवण्यात येणार आहे.
