28 November 2020

News Flash

मुंबई ते अहमदाबाद तेजस एक्स्प्रेस रद्द

तोटय़ामुळे दर मंगळवारची तेजस एक्स्प्रेसची सेवा रद्द

(संग्रहित छायाचित्र)

प्रवाशांच्या अल्प प्रतिसादामुळे मुंबई ते अहमदाबाद तेजस एक्स्प्रेसची सेवा तात्पुरती रद्द करण्यात येत असल्याची माहिती इंडियन रेल्वे कॅटिरग अ‍ॅण्ड टूरिझम कॉपरेरेशने दिली. ही सेवा २४ नोव्हेंबरपासून रद्द करण्यात येणार आहे.

टाळेबंदीत लांब पल्ल्याच्या गाडय़ाही बंद ठेवण्यात आल्या होत्या. सुरुवातीला फक्त श्रमिकांसाठी मेल-एक्स्प्रेस चालवण्यात आल्या. त्यानंतर विशेष गाडय़ांची सेवाही सुरू केली. या सेवेबरोबरच १७ आक्टोबरपासून मुंबई ते अहमदाबाद तेजस एक्स्प्रेसही चालवण्यात आली. प्रवासादरम्यान खबरदारीचा उपाय म्हणून प्रवाशांना सॅनिटायझर किट देण्यात आले. तर एक्स्प्रेसमधील कर्मचाऱ्यांनाही मुखपट्टी, हातमोजांचा वापर बंधनकारक करण्यात आला. सुरक्षेची पूर्ण खबरदारी घेऊनही तेजस एक्स्प्रेसची दररोज २५ ते ४० टक्केच तिकिटे आरक्षित होत होती. त्यामुळे आयआरसीटीसीला मोठा तोटाही सहन करावा लागत होता. याच मार्गावर शताब्दी, राजधानी व डबल डेकरही धावत असल्याने तेजसलाही त्याचा फटका बसला.

तोटय़ामुळे दर मंगळवारची तेजस एक्स्प्रेसची सेवा रद्द करण्यात आली. त्यानंतरही प्रवाशांची संख्या कमीच होत गेल्याने आयआरसीटीसीने तेजस एक्स्प्रेस रद्द करण्यासंदर्भात रेल्वे बोर्डाकडे प्रस्ताव पाठवला. त्यावर बोर्डाने निर्णय देताना मुंबई ते अहमदाबाद तेजस एक्स्प्रेसच्या सर्व सेवा पुढील सूचना मिळेपर्यंत रद्द केल्या आहेत.

आयआरसीटीसीने मुंबई ते अहमदाबाद मार्गावर तेजस एक्स्प्रेस १९ जानेवारीपासून सुरू केली होती. या सेवेकडे प्रवाशांना आकर्षित करण्यासाठी अनेक सुविधाही उपलब्ध करून देण्यात आल्या होत्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 19, 2020 12:17 am

Web Title: mumbai to ahmedabad tejas express canceled abn 97
Next Stories
1 शाळा सुरू करण्याबाबत पालक संभ्रमात
2 काँग्रेसकडील खात्यांची अर्थकोंडी
3 सरकारला सत्तेची धुंदी!
Just Now!
X