News Flash

सावधान इंडिया! ‘क्राईम पेट्रोल’मधील दोन अभिनेत्रींना मुंबई पोलिसांनी ठोकल्या बेड्या

आरे कॉलनीत पेईंग गेस्ट म्हणून राहणाऱ्या या दोन अभिनेत्रींना अटक केली आहे

पोलिसांनी त्यांच्याकडून ५० हजार रुपये जप्त केले आहेत (फोटो ANI)

टीव्ही मालिकांमध्ये काम करणाऱ्या दोन अभिनेत्रींना मुंबईतील उच्चभ्रू इमारतीत चोरी केल्याप्रकरणी मुंबई पोलिसांनी अटक केली आहे. ‘क्राईम पेट्रोल’, ‘सावधान इंडिया’ यासारख्या गुन्हेविषयक मालिकांमध्ये दोघींनी छोट्या भूमिका केल्या आहेत असे पोलिसांनी सांगितले. आरे कॉलनीत पेईंग गेस्ट म्हणून राहणाऱ्या या दोन अभिनेत्रींना राहत्या घरातून ३.२८ लाख रुपये चोरल्याप्रकरणी अटक केली आहे. आणखी एका पेईंग गेस्ट राहणाऱ्या व्यक्तीच्या पैशांची या महिलांनी चोरी केली आहे,

मालिकांचं चित्रीकरण बंद असल्यामुळे दोघींना पैशांची अडचण निर्माण झाली होती. आरे कॉलनीतील रॉयल पाम या उच्चभ्रू इमारतीत राहणाऱ्या एका व्यक्तीच्या घरात १८ मे रोजी त्या पेईंग गेस्ट म्हणून गेल्या. त्यानंतर त्यांनी त्या घरामध्ये आधीपासून पेईंग गेस्ट म्हणून राहत असलेल्या व्यक्तीच्या तिजोरीतून ३ लाख २८ हजार रुपये घेऊन त्या अभिनेत्रींनी पळ काढला.

त्यानंतर त्या व्यक्तीने दोघींनी आपले पैसे चोरल्याचा संशय तक्रारदाराने पोलिसांकडे व्यक्त केला. पोलिसांनी सीसीटीव्ही फूटेज तपासल्यानंतर दोघीही इमारतीतून बाहेर पळून जाताना दिसल्या. त्यानंतर पोलिसांनी दोघींना अटक केली आहे. दोघांकडून ५० हजार रुपये पोलिसांनी जप्त केले. पोलिसांनी सीसीटीव्ही फूटेज दाखवल्यानंतर त्यांनी आपल्या गुन्ह्याची कबुली दिली. करोना काळात मालिकांचं शूटिंग बंद असल्यामुळे आपल्याला पैशांची पैशांची अडचण निर्माण झाल्याने हे कृत्य केल्याचे त्यांनी सांगितले.

दरम्यान, पोलिसांनी त्यांच्याकडून ५० हजार रुपये जप्त केले आहेत. दोघींना कोर्टात हजर केल्यानंतर त्यांना २३ जूनपर्यंत पोलीस कोठडी सुनावण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 18, 2021 2:25 pm

Web Title: mumbai two women who work in tv serials arrested for stealing from the paying guest stayed at in aarey colony abn 97
टॅग : Crime News,Mumbai News
Next Stories
1 मुंबई काँग्रेसमध्ये अंतर्गत कलह? झिशान सिद्दिकींची भाई जगतापांविरोधात हायकमांडकडे तक्रार!
2 मुंबईत लसीकरण घोटाळा, मध्य प्रदेशपर्यंत पोहोचले पोलीस; चौघांना अटक
3 मुंबईत महिलेला ५० वेळा अटक; पोलिसांच्या प्रॉपर्टी सेलची कारवाई
Just Now!
X