नालासोपाऱ्यात भरदिवसा एका व्यक्तिची धारदार शस्त्राने वार करुन हत्या करण्यात आली. प्रवीण दिवेकर (४५) असे मृत व्यक्तिचे नाव आहे. नालासोपारा पश्चिमेला वाघेश्वरी हिल्सच्या भागात ही धक्कादायक घटना घडली. एबीपी माझा वृत्तवाहिनीने हे वृत्त दिले आहे. विशाल यादव असे आरोपीचे नाव असून रिअल इस्टेटच्या वादातून ही हत्या झाल्याची माहिती मिळत आहे. आपण वडिलांच्या हत्येचा बदला घेतला असे आरोपीने म्हटले आहे.
