मुंबईतील वांद्रे परिसरात असलेल्या एकता डिलाईट इमारतीत राहणाऱ्या वयोवृद्ध दाम्पत्याची हत्या करण्यात आली आहे. दरोड्याच्या उद्देशाने ही हत्या केल्याचा पोलिसांना संशय आहे. दया माखिजा आणि नानक माखिजा असे मृत वयोवृद्ध दाम्पत्याचे नाव असून गळा दाबून त्यांची हत्या करण्यात आल्याची शक्यता पोलिसांनी वर्तवली आहे. वांद्रे परिसरातील एकता डिलाईट इमारतीत माखिजा दाम्पत्य राहतात. बुधवारी रात्री दरोड्याच्या उद्देशाने घरात शिरलेल्या अज्ञात व्यक्तींनी त्यांचा गळा दाबून खून केल्याची शक्यता पोलिसांनी वर्तवली आहे.
