News Flash

मोदी यांनी करकरेंच्या घरी धाव घेतली होती..

२००८ मध्ये मुंबईवर हल्ला झाला तेव्हा मोदी हे गुजरातचे मुख्यमंत्री होते.

नरेंद्र मोदी

महम्मद थवर, मुंबई

मुंबई दहशतवादी हल्ल्यात अतिरेक्यांशी लढताना शहीद झालेले हेमंत करकरे यांच्यावर टीका करताना प्रज्ञासिंह ठाकूर यांना पंतप्रधान नरेंद्र मोदी यांच्या करकरे यांच्याविषयीच्या भावनांचे विस्मरण झाल्याचे दिसत आहे. त्यामुळे ठाकूर यांच्या टीकेचे भाजप वर्तुळातही पडसाद उमटले. २००८ मध्ये मुंबईवर हल्ला झाला तेव्हा मोदी हे गुजरातचे मुख्यमंत्री होते. तरीही ते तातडीने मुंबईत आले आणि शहीद झालेल्या पोलिसांच्या कुटुंबियांची त्यांनी भेटही घेतली. या शहीदांना गुजरात सरकारतर्फे एक कोटी रुपयांचे साह्य़ त्यांनी जाहीर केले. करकरे यांच्या पत्नी कविता करकरे यांनी ते साह्य़ साभार नाकारले होते.मात्र करकरे यांच्या  प्राणार्पणाबद्दल युतीच्या नेत्यांची भावना आदराचीच होती. जोगेश्वरी आणि ठाणे येथे करकरे यांच्या नावाने उद्यानेही त्यातूनच साकारली. गेल्या वर्षी मुंबईवरील हल्ल्याला दहा वर्षे पूर्ण झाल्यानिमित्त एक्स्प्रेस वृत्तसमूहाने आयोजिलेल्या विशेष कार्यक्रमात मुख्यमंत्री देवेंद्र फडणवीस यांनीही शहीदांविषयी गौरवोद्गार काढले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 20, 2019 1:13 am

Web Title: narendra modi visited hemant karkare house after martyred
Next Stories
1 काँग्रेसच्या प्रवक्त्या प्रियंका चतुर्वेदी शिवसेनेत
2 सुक्या कचऱ्याच्या विल्हेवाटीतून कचरावेचकांच्या उन्नतीचा मार्ग
3 विक्रोळीत भरधाव ट्रक उलटला, रस्त्याच्या कडेला थांबलेल्या चौघांचा मृत्यू
Just Now!
X